టాలీవుడ్ జక్కన్న రాజమౌళి ప్రతిష్టాత్మకంగా తెరకెక్కించబోతున్న మల్టీస్టారర్ చిత్రం పూజా కార్యక్రమాలు పూర్తి చేసుకున్న విషయం తెల్సిందే.భారీ అంచనాల నడుమ రూపొందబోతున్న ఈ చిత్రం కథ ఏంటీ, ఎన్టీఆర్ మరియు రామ్ చరణ్ ల పాత్రలు ఏంటీ అనే విషయమై ఇంకా ఎలాంటి క్లారిటీ రాలేదు.
అయినా కూడా ఈ చిత్రం గురించి సోషల్ మీడియాలో రక రకాలుగా పుకార్లు షికార్లు చేస్తూనే ఉన్నాయి.తాజాగా షూటింగ్ ప్రారంభోత్సవ కార్యక్రమంలో పాల్గొన్న ఎన్టీఆర్ లుక్ కాస్త విభిన్నంగా ఉంది.
దాంతో ఈ చిత్రంలో ఎన్టీఆర్ చాలా లావుగా కనిపిస్తాడనే ప్రచారం జరుగుతుంది.
ఎన్టీఆర్ ఈ చిత్రంలో బాడీ బిల్డర్గా కనిపించబోతున్నాడు అంటూ సినీ వర్గాల వారు చెబుతున్నారు.ప్రస్తుతం సినిమాకు సంబంధించిన కథ పూర్తి అయ్యిందని, త్వరలోనే హీరోయిన్స్ ప్రకటించే అవకాశం ఉందని సినీ వర్గాల్లో టాక్ వినిపిస్తుంది.ఈ సమయంలోనే ఎన్టీఆర్ లుక్ గురించిన కథనాలు సోషల్ మీడియాలో సినీ వర్గాల్లో పెద్ద ఎత్తున వినిపిస్తున్నాయి.
భారీ ఎత్తున ఈ చిత్రం రూపొందుతున్న నేపథ్యంలో ఎన్టీఆర్ దాదాపు సంవత్సర కాలం పాటు ఈ చిత్రం కోసం డేట్లు ఇచ్చాడట.ఆ సంవత్సరం పాటు కూడా ఎన్టీఆర్ చాలా కఠినమైన డైట్ ను ఫాలో అవ్వబోతున్నాడంటూ వార్తలు వస్తున్నాయి.
కథానుసారంగా ఈ చిత్రంలో ఎన్టీఆర్ చాలా లావుగా కనిపిస్తాడని వార్తలు వినిపిస్తున్నాయి.దాంతో పాటు ఈ చిత్రంలో ఎన్టీఆర్ విలన్ గా కనిపించే అవకాశం ఉందని కొందరు భావిస్తున్నారు.అయితే ఎన్టీఆర్ను నందమూరి అభిమానులు విలన్గా ఒప్పుకోరు.అందుకే ఈ చిత్రంలో ఎన్టీఆర్ హీరోగానే నటిస్తాడని మరి కొందరు అంటున్నారు.మొత్తానికి మల్టీస్టారర్లో ఎన్టీఆర్ పాత్ర గురించి రకరకాలుగా పుకార్లు షికార్లు చేస్తున్నాయి.త్వరలోనే ఈ చిత్రం రెగ్యులర్ షూటింగ్ ప్రారంభం కాబోతుంది.2020లో ఈ చిత్రాన్ని విడుదల చేసే అవకాశం ఉంది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
