నా నిశ్చితార్దానికి నన్ను పిలవండంటున్న హీరోయిన్..

తాప్సి త్వరలో బ్యాడ్మింటన్‌ ప్లేయర్‌ మాథ్యూస్‌ బోయితో ఏడడుగులు వేస్తుందని ఒక వార్త షికారు చేస్తోంది.తాప్సీ ఎంగేజ్‌మెంట్‌ కోసమే ఆమె తల్లిదండ్రులు గోవా వెళ్ళారని,ఇప్పటికే కుటుంబ సభ్యులు పెళ్లి డేట్స్ ఫిక్స్ చేసేశారని వార్తలు వచ్చాయి.ఇదే విషయంపై తాప్సి స్పందించింది.

దీనిపై తాప్సీ స్పందిస్తూ నిజంగానా?.నా నిశ్చితార్థానికి నన్ను కూడా కాస్త పిలవండి.

మా తల్లిదండ్రులు గత పదేళ్ళుగా గోవా వెళ్ళలేదు.ఈ లెక్క ప్రకారం నాకు పదేళ్ల క్రితమే నిశ్చితార్థం జరిగిందని మీరూ ఊహించుకోవచ్చేమో అని పేర్కొంది.

నిప్పులేనిదే పొగరాదు.ఆ మధ్య శ్రియా కూడా ఇలాగే స్పందించింది.

నేను రష్యా వెళ్లింది షాపింగ్ కోసం.పెళ్లి విషయం గురించి కాదు అని.తీరా నెల తిరక్కుండానే తన బాయ్ ఫ్రెండ్ ఆండ్రూ కొశ్చెవ్ ను పెళ్లి చేసుకుని షాక్ ఇచ్చింది.చూద్దాం తాప్సి ఎలాంటి ట్విస్ట్ ఇస్తుందో.