ఓటు వేసేందుకు క్యూ కట్టేస్తున్న మహిళలు .. ఏ పార్టీకి కలిసి వస్తుందంటే ..?

ఏపీ లో పోలింగ్ ప్రక్రియ కొనసాగుతోంది.ఓటు వేసేందుకు భారీగా జనాలు తరలివస్తున్నారు.

అయితే వీరిలో మహిళా ఓటర్లే ఎక్కువమంది ఉండడం, తమ ఓటు హక్కును వినియోగించుకునేందుకు వారే ఎక్కువ మొగ్గు చూపిస్తుండడం తదితర కారణాలతో పోలింగ్ కేంద్రాల వద్ద మహిళల సందడి ఎక్కువ కనిపిస్తోంది.ఓటు వేసేందుకు మహిళలు ఎక్కువగా వస్తూ ఉండడంతో, ఏ పార్టీకి అది కలిసి వస్తుంది అనేది అందరికీ ఆసక్తికరంగా మారింది.అయితే ఇదంతా తమకు అనుకూలంగా మారుతుందని టిడిపి, వైసిపిలు లెక్కలు వేసుకుంటున్నాయి.2019 ఎన్నికల విషయాన్ని ఒకసారి గుర్తు చేసుకుంటే.అప్పట్లోనూ మహిళ ఓటర్లు ఎక్కువమంది ఓటింగ్ ప్రక్రియలో పాల్గొన్నారు.

దీంతో అవి తమకు కలిసి వస్తాయని, ఎన్నికలకు ముందు పసుపు కుంకుమ పథకం ద్వారా పదివేల నగదును మహిళల ఖాతాల్లో వేయడంతో, ఆ ఓట్లన్నీ తమకే పడతాయని టిడిపి భారీగా ఆశలు పెట్టుకుంది.పోలింగ్ ముగిసిన తరువాత సైతం టిడిపి అధినేత చంద్రబాబు( Chandrababu) ఇదే అంచనా వేశారు.

పసుపు కుంకుమ ఎఫెక్ట్ బాగా ఉందని, అందుకే మహిళలు అధిక సంఖ్యలో పోలింగ్ కేంద్రాలకు వచ్చారని, తమ విజయాన్ని ఎవరూ ఆపలేరని చంద్రబాబు ధీమా వ్యక్తం చేశారు.