రాజ్యసభ కు వెళ్లబోయే ఆ ముగ్గురు ఎవరు ? వీరంతా పోటీ ?

వైసిపి తరఫున ఎంపికైన మోపిదేవి వెంకటరమణ , బీద మస్తాన్ రావు , ఆర్ కృష్ణయ్యలు ( Mopidevi Venkataramana, Beda Mastan Rao, R Krishnaiah )పార్టీకి , రాజ్యసభ సభ్యత్వానికి ఇప్పటికే రాజీనామా చేశారు.వీరిలో మోపిదేవి వెంకటరమణ మాత్రమే తెలుగుదేశం పార్టీలో చేరారు.మరో ఇద్దరు ఇంకా ఏ పార్టీలోనూ చేరలేదు.

ఈ ముగ్గురికి మళ్లీ పోటీ చేసే అవకాశం లేనట్టే.ఖాళీ అయిన ఈ మూడు స్థానాలను ఏ విధంగా భర్తి చేస్తారనేది ఇప్పుడు తేలాల్సి ఉంది.

  ఈ మూడు రాజ్యసభ స్థానాల్లో ఒక స్థానాన్ని జనసేనకు కేటాయించే అవకాశం ఉన్నట్లుగా ప్రచారం జరుగుతోంది.జనసేన పార్టీ ( Janasena party )తరఫున పవన్ కళ్యాణ్ సోదరుడు నాగేంద్రబాబును ఎంపిక చేస్తారని ఎప్పటి నుంచో ప్రచారం జరుగుతోంది.

  గతంలో ఆయన ఎంపీగా పోటీ చేసి ఓటమి చెందారు.మొన్నటి ఎన్నికల్లో అనకాపల్లి నుంచి పోటీ చేసేందుకు అన్ని ఏర్పాట్లు చేసుకున్నారు.

అయితే పొత్తులో భాగంగా ఆ స్థానాన్ని బిజెపికి కేటాయించడంతో నాగబాబు త్యాగం చేశారు.అయితే పొత్తులో భాగంగా సీట్లు త్యాగం చేసిన వారికి కీలక పదవులు ఇస్తుండడంతో,  నాగబాబుకు రాజ్యసభ సభ్యత్వం ఖాయమని , జనసేన వర్గాలు అంచనా వేస్తున్నాయి .