ఫేస్‌వాష్‌ను ముఖానికే కాదు..ఇలా కూడా వాడొచ్చ‌ని మీకు తెలుసా?

సాధార‌ణంగా ఫుడ్స్ తినేట‌ప్పుడు లేదా టీ, కాఫీ, జ్యూసులు తాగేట‌ప్పుడు పొర‌పాటున బ‌ట్ట‌ల‌పై మ‌ర‌క‌లు ప‌డుతుంటాయి.అవి ఒక్కోసారి పోనే పోవు.అయితే బ‌ట్ట‌ల‌పై మొండి మ‌ర‌క‌ల‌ను వ‌దిలించ‌డంలో ఫేస్ వాష్ ఉప‌యోగ‌ప‌డుతుంది.

మీరు వాడే ఫేస్ వాష్‌కి కొద్దిగా వంట సోడా మ‌రియు నిమ్మ ర‌సం యాడ్ చేసి ముర‌క‌ల‌పై పోసి ప‌ది నిమిషాల పాటు వ‌దిలేయాలి.ఆపై ఉతికితే ముర‌క‌లు పోతాయి.

అలాగే పాదాలు మురికిగా, న‌ల్ల‌గా ఉన్న‌ట్లు అయితే.ఒక బౌల్ తీసుకుని అందులో రెండు స్పూన్ల ఫేస్ వాష్‌, ఒక స్పూన్ షుగ‌ర్‌, ఒక స్పూన్ తేనె వేసుకుని బాగా క‌లుపుకోవాలి.

ఇప్పుడు ఈ మిశ్రమాన్ని పాదాల‌కు ప‌ట్టించి ఐదారు నిమిషాల పాటు స్క్ర‌బ్బింగ్ చేసుకోవాలి.ఇలా చేస్తే పాదాలు తెల్ల‌గా, మృదువుగా మ‌రియు అందంగా మార‌తాయి.