విశాఖలో వైసీపీ భూముల కొనుగోలు చిట్టా ఇదీ.. బయటపెట్టిన టీడీపీ

అంతేకాదు వైఎస్‌ హయాంలో విశాఖలో జరిగిన భూకుంభకోణాలను కూడా మళ్లీ ప్రచారంలోకి తీసుకొస్తోంది.హనుమంతువాక నుంచి సింహాచలం వెళ్లే దారిలో ఎకరం 18 కోట్లు విలువ చేసే ప్రభుత్వ భూమిని తమ బినామీలకు అప్పగించి, అవసరమే లేని 6 లేన్ల బీఆర్టీఎస్‌ రోడ్డును ప్రభుత్వ ధనంతో వేయించి ఆ భూమి విలువను ఎకరానికి రూ.40 కోట్లకు చేర్చుకున్నది నిజం కాదా? విశాఖ ఐటీ హబ్‌ దగ్గర రూ.800 కోట్ల విలువ చేసే 43 ఎకరాల ప్రభుత్వ భూమిని సీబీఐ వాళ్లు ఎందుకు సీజ్‌ చేశారు? ధర్మానను బినామీగా పెట్టి మధురవాడ కొమ్మాది దగ్గర రూ.2 వేల కోట్లతో ప్రారంభించిన ప్రాజెక్ట్‌ను సీబీఐ తొమ్మిదేళ్ల పాటు సీజ్‌ చేస్తే.దానిని జగన్‌ మళ్లీ విడిపించుకున్నారు.

తగరపువలసకు 9 కిలోమీటర్ల దూరంలో 2500 ఎకరాల ప్రభుత్వ భూమిని గ్రానైట్‌ మైనింగ్‌ పేరిట బినామీలకు రాసిస్తే.దాన్ని కూడా సీబీఐ సీజ్‌ చేసింది అంటూ గతంలో విశాఖలో జగన్‌ చేసిన అక్రమాలను కూడా టీడీపీ బయటపెడుతోంది.