వైరల్: వేలంలో అందమైన సూట్‌ కేసులు గెలుచుకున్నారు.. అయితే వారి సంతోషం ఎంతోసేపు నిలవలేదు!

వేలం పాటలో అప్పుడప్పుడు అద్భుతాలు జరుగుతూ ఉంటాయి.అవేనండి.

కొందరు కేటుగాళ్లు అమాయక జనాలను బురిడీ కొట్టిస్తుంటారు.

ఓ ఫ్యామిలీ స్థానికంగా జరుగుతున్న వేలం పాటకు వెళ్లింది.

అందులో ఆ కుటుంబం కొన్ని సూట్‌కేసులు అతి తక్కువ ధరకు గెలుచుకున్నారు.దాంతో వారు ఎగిరి గంతేశారు.

అయితే వారి సంతోషం ఎంతసేపో నిలవలేదు.ఇంటికి వెళ్ళాక అవి ఓపెన్ చేసి చూడగా ఆ ఫ్యామిలీ ఒక్కసారిగా ఉలిక్కిపడింది.

విషయంలోకి వెళితే.న్యూజిలాండ్‌లోని సౌత్ ఆక్లాండ్‌కు చెందిన ఓ కుటుంబం స్థానికంగా జరిగిన స్టోరేజ్ యూనిట్ ఆక్షన్‌లో 5 సూట్‌కేసులను గెలుచుకుంది.

అయితే వేలం పాట జరుగుతున్నప్పుడు.ఆ సూట్‌కేసులు ఓపెన్ చేయకూడదన్న నిబంధన వలన సదరు ఫ్యామిలీ ఇంటికెళ్లి వాటిని ఓపెన్ చేసింది.

ఇక అంతే! అందులో కనిపించిన వాటిని చూసి ఒక్కసారిగా అందరూ భయబ్రాంతులకు గురయ్యారు.ఆ సూట్‌కేసుల్లో మానవ అవశేషాలను గుర్తించిన ఫ్యామిలీ.

వెంటనే పోలీసులకు సమాచారాన్ని అందించారు.దాంతో సూట్‌కేసుల్లో లభ్యమైన మృతదేహాలను పోలీసులు స్వాధీనం చేసుకున్నారు.

అనంతరం పోస్టుమార్టం నిమిత్తం ఆసుపత్రికి తరలించారు.

ఇకపోతే ఈ హత్యలతో ఆ ఫ్యామిలీకి ఎలాంటి సంబంధం లేదని పోలీసులు నిర్ధారణకు వచ్చారు.దీనిపై సరియైన దర్యాప్తు చేసి నిందితుల్ని అతి త్వరలో ఛేదిస్తామని పోలీసులు స్పష్టం చేశారు.అసలు ఆ మృతదేహాలు ఎవరివి.? అవి సూట్‌కేసుల్లోకి ఎలా వచ్చాయి.? అనే విషయాలు పోస్టుమార్టం రిపోర్టులు వచ్చిన అనంతరం తెలిసే అవకాశం ఉందని.అప్పుడే ఇన్వెస్టిగేషన్‌లో ముందుకు వెళ్ళగలమని పోలీసులు చెప్పారు.