శ్రీనివాస కళ్యాణంకు పెద్దొడి, చిన్నోడి అక్షింతలు

నితిన్‌, రాశిఖన్నా జంటగా దిల్‌రాజు నిర్మించిన ‘శ్రీనివాస కళ్యాణం’ చిత్రం విడుదలకు సిద్దం అయ్యింది.

భారీ అంచనాల నడుమ తెరకెక్కిన ఈ చిత్రం ఈనెల 9న ప్రేక్షకుల ముందుకు రాబోతుంది.

‘శతమానంభవతి’ చిత్రంతో భారీ బ్లాక్‌ బస్టర్‌ను దక్కించుకున్న సతీష్‌ వేగేశ్న ఈ చిత్రంతో మరోసారి ప్రేక్షకుల ముందుకు రాబోతున్నాడు.ఆ చిత్రానికి జాతీయ స్థాయిలో అవార్డును దక్కించుకున్న దర్శకుడు అదే నేపథ్యంలో మరో చిత్రాన్ని చేయడం జరిగింది.

వివాహం కాన్సెప్ట్‌తో తెరకెక్కిన ఈ చిత్రం టీజర్‌ మరియు ట్రైలర్స్‌ సినిమాపై అంచనాలను పెంచేశాయి.ఈ చిత్రం ఖచ్చితంగా మంచి విజయాన్ని దక్కించుకుంటుందనే ఉద్దేశ్యంతో అన్ని ఏరియాల్లో కూడా డిస్ట్రిబ్యూటర్లు ఈ చిత్రాన్ని భారీ మొత్తానికి కొనుగోలు చేసేందుకు ముందుకు వచ్చారు.

నితిన్‌ మరియు రాశిఖన్నాల మద్య రొమాన్స్‌ అద్బుతంగా వచ్చిందని, నిజంగా వీరిద్దరు పెళ్లి చేసుకుంటే బాగుండేది అన్నట్లుగా సీన్స్‌ వచ్చాయంటూ యూనిట్‌ సభ్యులు చెబుతున్నారు.తాజాగా సెన్సార్‌ కార్యక్రమాలు పూర్తి చేసుకున్న ఈ చిత్రానికి వెంకటేష్‌ వాయిస్‌ ఓవర్‌ ఇవ్వడం జరిగింది.

వెంకటేష్‌ వాయిస్‌ ఓవర్‌తో సినిమా ప్రారంభం కాబోతుంది.