అక్రమంగా అమెరికాలో నివాసం... భారతీయులకు షాకిచ్చిన అగ్రరాజ్యం

అమెరికా ( America )వెళ్లాలని అక్కడి స్థిరపడి డాలర్స్ సంపాదించాలనే కల భారతీయుల్లో నానాటికీ పెరుగుతోంది.

చట్టప్రకారం అగ్రరాజ్యంలో అడుగుపెట్టడం కుదరని పక్షంలో దొడ్డిదారిలో వెళ్లేందుకు మన పిల్లలు వెనుకాడటం లేదు.

ఇలాంటి సాహసాలు అక్కడి బోర్డర్ సెక్యూరిటీ, ఇమ్మిగ్రేషన్ అధికారులకు చిక్కి జైల్లో మగ్గుతున్న వారి సంఖ్య తక్కువేం కాదు.ఈ ప్రయత్నంలో ప్రాణాలు పొగొట్టుకునేవారు ఇటీవలి కాలంలో పెరుగుతున్నారు.

ఇలాంటి ఘటనలు వెలుగులోకి వస్తున్నా.మనదేశంలోని యువత అక్రమ మార్గాల్లో అమెరికాకు వెళ్లే ప్రయత్నాలను మాత్రం మానడం లేదు.

ఇటువంటి వ్యక్తుల బలహీనతలను అదనుగా చేసుకుని ఏజెంట్లు, మానవ అక్రమ రవాణా ముఠాలు రెచ్చిపోతున్నాయి.అమెరికాకు చేరుస్తామంటూ లక్షల్లో డబ్బులు వసూలు చేస్తూ ప్రాణాల మీదకి తీసుకొస్తున్నారు.