రక్తహీనత నుంచి తొందరగా బయటపడాలనుకుంటే ఈ ఆహారాలను తప్పక తీసుకోండి!

ప్రపంచవ్యాప్తంగా పిల్లలు పెద్దలు అనే తేడా లేకుండా కోట్లాది మంది రక్తహీనతకు( Anemia ) బాధితులుగా ఉన్నారు.

రక్తహీనత అనేది రక్తంలో ఎర్ర రక్త కణాలు లేదా హిమోగ్లోబిన్ సంఖ్య తగ్గినప్పుడు సంభవించే పరిస్థితి.

ముఖ్యంగా చిన్నపిల్లలు మరియు మహిళల్లో రక్తహీనత అనేది ఎక్కువగా ఏర్పడుతుంది.పొరపాటున రక్తహీనతను నిర్లక్ష్యం చేస్తే ప్రాణాలకే ముప్పు గా మారుతుంది.

రక్తహీనతను తగ్గించడానికి, మీరు ఇనుము అధికంగా ఉండే ఆహారాలు మరియు మీ శరీరం ఇనుమును గ్రహించడంలో సహాయపడే ఆహారాలను తీసుకోవాలి.కాబ‌ట్టి అటువంటి ఆహ‌రాలు ఏవో ఇప్పుడు తెలుసుకుందాం.

రక్తహీనత నుంచి తొందరగా బయటపడాలనుకుంటే ముదురు ఆకుపచ్చ ఆకు కూరలను( Green Leafy Vegetables ) తప్పక తీసుకోండి.ముఖ్యంగా పాల‌కూర‌, తోట‌కూర‌, గోంగూర వంటి ఆకుకూర‌ల‌ను ఎక్కువ‌గా తినండి.

ఇవి శ‌రీరానికి అవ‌స‌ర‌మ‌య్యే ఇనుమును( Iron ) అందిస్తాయి.ర‌క్త‌హీన‌త‌ను త‌రిమికొడ‌తాయి.

అలాగే ర‌క్త‌హీన‌త ఉన్న‌వారికి క‌రివేపాకు ఎంతో ఉప‌యోగ‌క‌రంగా ఉంది.గుప్పెడు క‌రివేపాకుల‌ను దంచి మ‌జ్జిగ‌లో క‌లిపి తీసుకోవాలి.

క‌రివేపాకులో( Curry Leaves ) ఫోలిక్ యాసిడ్ ఉండటం వల్ల శరీరం ఇనుమును గ్రహించడంలో ఉత్తంగా సహాయపడుతుంది.