రేవంత్ రెడ్డి కి రోజురోజుకి పెరుగుతున్న జనాదరణ..కాంగ్రెస్ విజయం లాంఛనమేనా!

తెలంగాణాలో ఈసారి బీఆర్ఎస్( BRS ) పార్టీ అధికారం లోకి రావడం కష్టమేనా.?, గడిచిన రెండు సార్వత్రిక ఎన్నికలలో అధికారంలోకి వచ్చి సత్తా చాటిన బీఆర్ఎస్ పార్టీ పై ఇప్పుడు అన్నీ వర్గాలలో తీవ్రమైన వ్యతిరేకత ఏర్పడింది అని, ముఖ్యంగా జాబ్ క్యాలండర్ విషయం లో యువత ని దారుణంగా మోసం చేసింది అనే భావన ప్రతీ ఒక్కరిలో ఏర్పడింది అని అందుకే ఈసారి అధికారం దక్కడం కష్టమని చెప్తున్నారు.

మరో పక్క కాంగ్రెస్ పార్టీ ( Congress )వైపు అధికార గాలి వీస్తుంది.

జనాలు ఏకపక్షంగా కాంగ్రెస్ పార్టీ ని ఈసారి గెలిపించే అవకాశాలు ఉన్నాయని తెలుస్తుంది.గత ఎన్నికలలో కేవలం 20 స్థానాలకు మాత్రమే పరిమితం అయ్యింది కాంగ్రెస్ పార్టీ.

బీఆర్ఎస్ పార్టీ సంపూర్ణ మెజారిటీ తో అధికారం లోకి వచ్చింది.ఈసారి అలాంటి పరిస్థితులు లేవు అంటే, బీఆర్ఎస్ పార్టీ పై జనాల్లో ఏ స్థాయి వ్యతిరేకత ఉందో అర్థం చేసుకోవచ్చు.