Suryakantham: ఒకే తరహా పాత్రను 300 ల సినిమాల్లో వేసిన మహానటి ఈవిడే !

సూర్యకాంతం( Suryakantham ) గయ్యాళి అత్తగా చాలా సినిమాల్లో నటించి మెప్పించింది.1946 నుంచి 1994 వరకు ఆమె ఎన్నో సినిమాల్లో నటించి సహజ నట కళా శిరోమణి, హాస్య నట శిరోమణి, బహుముఖ నటనా ప్రవీణా, రంగస్థల శిరోమణి వంటి గొప్ప బిరుదులను దక్కించుకుంది.

మాయాబజార్,( Mayabazaar ) గుండమ్మ కథ,( Gundammakatha ) చదువుకున్న అమ్మాయిలు, ఆత్మగౌరవం, దసరా బుల్లోడు వంటి చాలా హిట్ సినిమాల్లో ఆమె అద్భుతమైన నటనతో ప్రేక్షకులను కట్టిపడేసింది.

సూర్యకాంతం 1926లో ఆంధ్రప్రదేశ్‌లోని గుంటూరులో జన్మించింది.ఆమె 1940ల ప్రారంభంలో తన నటనా జీవితాన్ని ప్రారంభించింది.ఆమె తక్కువ సమయంలోనే తెలుగు సినిమాల్లో అత్యంత ప్రజాదరణ పొందిన నటీమణులలో ఒకరిగా మారింది.

సూర్యకాంతం మొదటగా జెమిని స్టూడియోస్ నిర్మాణంలో వచ్చిన చంద్రలేఖలో( Chandralekha ) డ్యాన్సర్‌గా కనిపించింది.డ్యాన్సర్‌గా నటించినందుకు ఆ రోజుల్లోనే ఆమెకు 75 రూపాయలు పారితోషికం ఇచ్చారు.