Sunishit: వరుసగా వివాదాల్లో చిక్కుకుంటున్న సునిశిత్ బ్యాగ్రౌండ్ తెలిస్తే షాకవ్వాల్సిందే!

సునిశిత్.( Sunishit ) ఇటీవల కాలంలో సోషల్ మీడియాలో ఎక్కువగా వినిపిస్తున్న పేర్లలో ఈ పేరు కూడా ఒకటి.

ఈ మధ్యకాలంలో తరచూ ఏదో ఒక కాంట్రవర్సీతో సోషల్ మీడియాలో నిలుస్తూనే ఉన్నాడు సునిశిత్.మొన్నటికి మొన్న రామ్ చరణ్ భార్య ఉపాసనతో( Upasana ) లాంగ్ డ్రైవ్ చేశాను వెకేషన్ కు వెళ్లాను అంటూ నోటికి వచ్చిన విధంగా మాట్లాడడంతో చెర్రీ ఫ్యాన్స్ చేతిలో ఫుల్లుగా దెబ్బలు తిన్న విషయం తెలిసిందే.

మా వదిన గురించి అలా మాట్లాడతావా అంటూ కొట్టిన విషయం తెలిసిందే.అందుకు సంబంధించిన వీడియోలు సామాజిక మాధ్యమాల్లో వైరల్ అయ్యాయి.

కాగా సునిశిత్ పూర్తి పేరు సునిశిత్ శ్రీరామోజు.చాలావరకు ఇంటర్వ్యూలకు హాజరవుతూ ఇంటర్వ్యూలలో షాకింగ్ కామెంట్స్ చేస్తూ ఈ మధ్యకాలంలో ఎక్కువగా సోషల్ మీడియాలో నిలుస్తున్నాడు.

నిజం చెప్పాలి అంటే సునిశిత్ కు సినిమా ఇండస్ట్రీకి ఎటువంటి సంబంధం లేదు.కానీ తనకు సినిమా ఇండస్ట్రీలో అన్యాయం జరిగిందని తనకు రావాల్సిన అవకాశాలను రామ్ చరణ్, ఎన్టీఆర్,మహేష్ బాబు, అల్లు అర్జున్ లాంటి స్టార్ హీరోలు తన్నుకుపోయారు అంటూ పిచ్చిపిచ్చిగా సంచలన ఆరోపణలు చేస్తూ ఉన్నాడు.

అయితే మొదట్లో అతని మాటలు విన్న అభిమానులు ఎవడో పిచ్చి వాడు అనుకున్నారు.