షాకింగ్ వీడియో.. డ్రైవర్‌ పొరపాటుతో మొదటి అంతస్తు నుంచి కిందపడిన కారు

మహారాష్ట్రలోని పూణేలో( Pune ) ఒక అపార్ట్‌మెంట్‌లో డ్రైవర్( Driver ) చేసిన చిన్న తప్పిదం పెను ప్రమాదానికి దారి తీసింది.

పూణే నగరంలోని విమన్ నగర్‌లో గల శుభ్ గేట్‌వే అపార్ట్‌మెంట్‌లో ఈ సంఘటన జరిగింది.

పార్కింగ్ కాంప్లెక్స్‌లో రివర్స్‌ గేర్‌ను( Reverse Gear ) పొరపాటున వేయడం వలన, ఒక కారు అదుపుతప్పి మొదటి అంతస్తు గోడను బద్దలు కొట్టి కింద పడిపోయింది.అయితే ఈ ఘటనలో ఎవరికీ గాయాలు కాకపోవడంతో పెను ప్రమాదం తప్పింది.

ఈ సంఘటనకు సంబంధించిన వీడియో సీసీటీవీ కెమెరాలో రికార్డయింది.వీడియోలో కార్‌ రివర్స్‌లో వెళ్లి పార్కింగ్( Parking ) గోడను బద్దలు కొడుతున్న దృశ్యాలు స్పష్టంగా కనిపిస్తున్నాయి.

అనంతరం కారు అమాంతంగా కింద పడిపోయింది.ఆ సమయంలో వచ్చిన భారీ శబ్ధానికి చుట్టుపక్కల వారు బయటికొచ్చి ఘటనను చూసి షాక్‌కు గురయ్యారు.