ఆర్మూరు నుంచి రేవంత్ పోటీ ? 

తెలంగాణ కాంగ్రెస్ అధ్యక్షుడు రేవంత్ రెడ్డి వచ్చే అసెంబ్లీ ఎన్నికల్లో నిజామాబాద్ జిల్లా ఆర్మూరు నియోజకవర్గం( Armur Assembly constituency ) నుంచి పోటీ చేయబోతున్నారనే చర్చ మొదలైంది.

ఇటీవల కాలంలో తెలంగాణలో కాంగ్రెస్ బలం పెంచుకోవడం, ఇతర పార్టీలలోని బలమైన నేతలు కాంగ్రెస్ లో చేరుతుండడం, కర్ణాటక ఎన్నికల ఫలితాలతో తెలంగాణ కాంగ్రెస్( Telangana Congress ) పైన ఆ ప్రభావం కనిపిస్తుండడం, ప్రజల్లోనూ కాంగ్రెస్ పై ఇప్పుడిప్పుడే ఆదరణ పెరుగుతున్నట్లుగా పరిస్థితులు కనిపిస్తుండడం తో కాంగ్రెస్ లో కొత్త ఉత్సాహం కనిపిస్తోంది.

ఎన్నికల్లో కచ్చితంగా పార్టీ అధికారంలోకి వస్తుందనే నమ్మకం కాంగ్రెస్ నేతల్లోనూ కనిపిస్తోంది.దీంతో ఇప్పటి నుంచే ఎవరు ఎక్కడి నుంచి పోటీ చేయాలనే దానిపై ఒక క్లారిటీ కి వస్తున్నారు.

ఈ నేపథ్యంలోనే రేవంత్ రెడ్డి ఆర్మూరు నుంచి పోటీ చేసేందుకు సిద్ధమవుతున్నారనే ప్రచారం జరుగుతుంది.దక్షిణ తెలంగాణలో కాంగ్రెస్ బలంగా ఉండడం , ఉమ్మడి ఖమ్మం జిల్లాలో కీలక నేతగా గుర్తింపు పొందిన పొంగులేటి శ్రీనివాస్ రెడ్డి పార్టీలో చేరడం , అలాగే  ఉమ్మడి మహబూబ్ నగర్ జిల్లాకు చెందిన జూపల్లి కృష్ణారావు కాంగ్రెస్ లో చేరబోతుండడం వంటివన్నీ ఆ పార్టీకి కలిసి వస్తున్నాయి.