తథాస్తు దేవతలు నిజంగానే ఉంటారా? మనం ఏ మాట్లాడినా తథాస్తు అంటారా?

మనం ఏదైనా చెడు మాటలు అంటే నేను చచ్చిపోతాను, నాకేమైనా అవుతుంది, కుటుంబ సభ్యులను కోపంలో తిడ్తూ.వారికేమైనా కావాలని కోరుకుంటే.

వెంటనే పక్కన ఉన్న పెద్దలు అలా అనకూడదని అంటారు.పైన తథాస్తు దేవతలు ఉంటారు మీరలా మాట్లాడితే.

వారు తథాస్తు అంటే అది జరిగి తీరుతుందంటూ భయపెడ్తారు.అది నిజమేనా అని చాలా సార్లు అనుమానం వస్తుంది.

కొన్ని సార్లు అయితే నిజమైనా కాకపోయినా మన వారికి ఏదైనా అవుతుందంటే ఆ మాటలు మాట్లాడకుండా కూడా ఉంటుంటాం.కానీ నిజంగానే తథాస్తు దేవతలు ఉన్నారా.

మనం ఏదైనా మాట్లాడిన వెంటనే వారు తథాస్తు అంటారా లేదా మనం ఇప్పుడు తెలుసుకుందాం.నిజానికి తథాస్తు దేవతలు ఉన్నారో లేదో ఎవరికీ తెలియదు.

కానీ మన పూర్వీకులు మనం ఎప్పుడూ మంచి మాటలే పలకాలనీ, మంచి సంకల్పాలే చేయాలని వారు ఇలా చెప్పారు.ఏదైనా సరే దేవుడికి ముడి పెడితే మనం కచ్చితంగా వింటామని వారి నమ్మకం.

అందుకే వారు మన మంచి కోసం ఆలోచించి ఇలాంటివి చెబుతుండేవారు.