కన్నడ ఫ్యాన్స్ ను హర్ట్ చేసిన రష్మిక మందన్న.. ఇలా మాట్లాడటం కరెక్టేనా?

Madhura Vani

Sr Reporter

2025-02-15   16:41:47  IST

ఈ మధ్యకాలంలో సెలబ్రిటీలు ( Celebrities )ఏమి మాట్లాడాలి అన్నా కూడా కాస్త భయపడుతున్నారని చెప్పాలి.

Ad

ఏమి మాట్లాడినా కూడా దాన్ని భూతద్దంలో పెట్టి చూస్తూ సోషల్ మీడియాలో నానా రచ్చ చేస్తున్నారు.

దీంతో సోషల్ మీడియాతో పాటు అభిమానుల లోకి వచ్చినప్పుడు కూడా చిన్న విషయాలు మాట్లాడడానికి కూడా ఆలోచిస్తున్నారు.అయితే ఎంత జాగ్రత్తగా మాట్లాడినా కూడా కొన్ని కొన్ని సార్లు నోరు జారడం అన్నది సహజం.

చిన్న చిన్న పదాలు మిస్టేక్ అవ్వడం అనేది కామన్.కొన్ని కొన్ని సార్లు దాని పరిణామాలు చాలా తీవ్రంగా ఉండడంతో పాటు చాలా దూరం వెళుతూ ఉంటాయి.

అది కాంట్రవర్సీకి కూడా దారి తీయవచ్చు.

ఇప్పుడు రష్మిక మందన( Rashmika Mandana ) చేసిన కామెంట్స్ కూడా కన్నడ అభిమానులను హర్ట్ చేసింది.అసలేం జరిగిందంటే.ఇటీవలే చావా మ్యూజిక్ లాంచ్ ఈవెంట్ కు హాజరైన హీరోయిన్ రష్మిక మందన్న మాట్లాడుతూ నేను హైదరాబాద్ నుంచి వచ్చానని, ఇక్కడ ఇంత మందిని చూశాక మీ కుటుంబంలో భాగమైనందుకు సంతోషంగా ఉందని చెప్పుకొచ్చింది.

సరిగ్గా ఈ పాయింట్ దగ్గరే కన్నడ మిత్రులకు కోపం వచ్చేసింది.దాంతో ట్విట్టర్ వేదికగా ట్రిగ్గరింగ్ ట్వీట్లు పెట్టి నిలదీస్తున్నారు.ఎందుకంటే రష్మిక సొంత రాష్ట్రం కర్ణాటక.

తొలి అవకాశం వచ్చింది కన్నడ సినిమా కిరిక్ పార్టీలో.దర్శకుడు నటుడు రక్షిత్ శెట్టి ( Actor Rakshit Shetty )తో నిశ్చితార్థం అయ్యాక పెళ్లి క్యాన్సిల్ చేసుకోవడం గురించి అప్పట్లోనే చాలా కామెంట్స్ వచ్చాయి.