భాయిజాన్‌పై జక్కన్న స్పందన

‘బాహుబలి’ సినిమాతో సంచలన విజయాన్ని తన ఖాతాలో వేసుకున్న రాజమౌళి తాజాగా బాలీవుడ్‌లో విడుదలైన ‘భజరంగీ భాయిజాన్‌’ సినిమాపై స్పందించాడు.

తన ఇమేజ్‌ను పక్కకు పెట్టి, హీరోయిజం చూపించే అవకాశం లేకున్నా కూడా కథపై నమ్మకంతో సల్మాన్‌ ఖాన్‌ ఈ సినిమాలో నటించేందుకు ఒప్పుకున్నందుకు అభినందనీయుడు.

సల్మాన్‌తో పాటు చిన్నారి హర్షాలి కూడా ఈ సినిమాలో అద్బుతమైన పాత్రను పోషించి, మంచి నటనతో ఆకట్టుకుంది.ఒక మంచి కథతో తెరకెక్కిన ఈ సినిమా హృదయాలకు దగ్గరయ్యేలా ఉంది అంటూ రాజమౌళి ట్వీట్‌ చేశాడు.

సల్మాన్‌ ఖాన్‌ కెరీర్‌లోనే అత్యధిక వేగంగా వంద కోట్లు వసూళ్లు చేసిన చిత్రంగా ‘భజరంగీ భాయిజాన్‌’ సినిమా నిలిచింది.దేశ వ్యాప్తంగా ఈ సినిమా రికార్డు స్థాయి కలెక్షన్స్‌తో దూసుకు పోతుంది.

పాకిస్థాన్‌లో సైతం ఈ సినిమాకు మంచి ఆధరణ భిస్తోంది.ఇలాంటి పాత్ర చేసేందుకు ఒప్పుకున్న సల్మాన్‌ ఖాన్‌ అభినందనీయుడు అంటూ విమర్శకులు సైతం ప్రశంసలు గుప్పిస్తున్నారు.

ఈ సినిమాకు జక్కన్న తండ్రి విజయేంద్ర ప్రసాద్‌ కథను అందించిన విషయం తెల్సిందే.చిరంజీవి ‘పసివాడి ప్రాణం’ కథకు కాస్త పోలికలు ఉన్నా కూడా, స్క్రీన్‌ప్లే విషయంలో ఈ రెండు సినిమాలకు చాలా వ్యత్యాసం ఉంటుంది.