ఐకాన్ స్టార్ అల్లు అర్జున్ (Allu Arjun) హీరోగా నటించిన తాజా చిత్రం పుష్ప 2(Pushpa 2) .ఈ సినిమా డిసెంబర్ 6వ తేదీ పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో ఈ సినిమాపై భారీ స్థాయిలో అంచనాలు ఉన్నాయి.
ఈ సినిమా విడుదలకు సమయం కూడా చాలా తక్కువగా ఉన్న నేపథ్యంలో పుష్ప సినిమా నేషనల్ ప్రెస్ మీట్ నేడు నిర్వహించారు.ఈ ప్రెస్ మీట్ కార్యక్రమంలో భాగంగా ఇండియాలో ఏ ఏ రాష్ట్రాలలో అయితే ఈ సినిమా విడుదల అవుతుందో ఆ రాష్ట్రానికి చెందిన డిస్ట్రిబ్యూటర్స్, చిత్ర బృందం కూడా పాల్గొన్నారు.
ఈ కార్యక్రమంలో భాగంగా పుష్ప(Pushpa) సినిమా విడుదల గురించి పలు విషయాలను వెల్లడించారు.అయితే ఈ సినిమా అనుకున్న సమయాన్ని కంటే ఒకరోజు ముందుగానే విడుదల కాబోతుందని తెలియజేశారు.ఈ సినిమా డిసెంబర్ 6న కాకుండా 5వ తేదీనే ప్రేక్షకుల ముందుకు తీసుకురాబోతున్నట్లు మేకర్స్ అధికారికంగా తెలియజేస్తూ పోస్టర్ కూడా విడుదల చేశారు.ఈ క్రమంలోనే అభిమానులు కూడా ఎంతో సంతోషం వ్యక్తం చేస్తున్నారు.
నిజానికి ఈ సినిమా గత ఏడాది ప్రేక్షకుల ముందుకు రావాల్సి ఉండగా షూటింగ్ చాలా ఆలస్యం కావడంతో వాయిదా పడింది.ఇక ఆగస్టు 15వ(August 15th) తేదీ ఈ సినిమా తప్పనిసరిగా విడుదలవుతుందని మేకర్స్ వెల్లడించారు.అప్పటికి ఇంకా షూటింగ్ పూర్తి కాకపోవడంతో డిసెంబర్ 6 వ తేదీన విడుదల కాబోతుందని ప్రకటించారు.అయితే అనుకున్న సమయానికంటే ఓ రోజు ముందుగానే ఈ సినిమా రాబోతుందని తాజాగా తెలిపారు.
ఇప్పటికే ఈ సినిమా నుంచి విడుదల చేసిన అప్డేట్స్ సినిమాపై భారీ స్థాయిలో అంచనాలను పెంచేసాయి.ఈ సినిమాలో అల్లు అర్జున్ కు జోడిగా రష్మిక మందన్న నటించిన సంగతి తెలిసిందే.
సునీల్ పహాద్ ఫాజిల్, అనసూయ వంటి వారు కీలక పాత్రలలో నటిస్తున్నారు.