తల్లి స్వీపర్.. సివిల్స్ లో సత్తా చాటిన కొడుకు.. ఇతని సక్సెస్ కు హ్యాట్సాఫ్ అనాల్సిందే!

సాధారణంగా ఆర్థిక ఇబ్బందులు ఉన్నవాళ్లు సివిల్స్ లాంటి ఉన్నత పరీక్షలలో సక్సెస్ సాధించడం సులువైన విషయం కాదు.

అయితే ఎన్ని ఇబ్బందులు ఎదురైనా లక్ష్యాన్ని సాధించాలని భావించిన ప్రశాంత్ సురేశ్ భోజనే ( Prashant Suresh Bhojane ) వరుస వైఫల్యాలు ఎదురైనా వెనుకడుగు వేయలేదు.

ప్రశాంత్ వయస్సు 32 సంవత్సరాలు కాగా తాజాగా విడుదలైన సివిల్స్ ఫలితాలలో ఆయన 842వ ర్యాంక్ సాధించారు.మహారాష్ట్ర రాష్ట్రంలోని ఠాణె( Thane in Maharashtra ) ప్రాంతానికి చెందిన ప్రశాంత్ 2015 సంవత్సరం నుంచి సివిల్స్ సాధించడానికి ఎంతో కష్టపడుతున్నారు.

ఎన్నిసార్లు పోటీ పరీక్షలు రాసినా ప్రశాంత్ ఆశించిన ఫలితాలు అయితే రాలేదు.అయితే తాజాగా విడుదలైన ఫలితాల్లో ప్రశాంత్ కు మంచి ర్యాంక్ రావడంతో కుటుంబ సభ్యులు ఎంతో సంతోషిస్తున్నారు.

ప్రశాంత్ సక్సెస్ గురించి తెలిసి అతను నివశించే కాలనీవాసులు ర్యాలీ చేయడం విశేషం.