తగ్గనున్న పెట్రోల్‌, డీజిల్‌ ధరలు!

ప్రస్తుతం దేశంలో ఇథనాల్‌ కలిపిన ఇంధనాన్ని వాడుతున్నారు.అయితే ఒక లీటర్‌ ఇథనాల్‌ను తయారు చేయడానికి రూ.42 ఖర్చవుతోంది.అదే మిథనాల్‌ అయితే రూ.20 లోపే అవుతుంది.దీంతో పెట్రోల్‌, డీజిల్‌ ధరలు కూడా తగ్గుతాయి.

ఇప్పటికే ఇండియన్‌ ఆయిల్‌ కార్పొరేషన్‌ ఎం15 (15 శాతం మిథనాల్‌, 85 శాతం పెట్రోల్‌) ఇంధనాన్ని వాణిజ్య వినియోగంలోకి తీసుకొచ్చింది.ఎం 15తోపాటు ఎం85, ఎం100 మిథనాల్ మిశ్రమ ఇంధన తయారీకి ప్రభుత్వం ప్రమాణాలను రూపొందించింది.ప్రస్తుతం అస్సాం పెట్రోకెమికల్స్‌ రోజుకు వంద టన్నుల మిథనాల్‌ను తయారు చేస్తోంది.2020, ఏప్రిల్‌ నాటికి దీనిని 600 టన్నులకు పెంచనుంది.అటు పశ్చిమబెంగాల్‌, జార్ఖండ్‌లలో బొగ్గు ద్వారా మిథనాల్‌ను తయారుచేసే ప్రక్రియ కూడా ప్రారంభం కానుంది.