ఆ రెండు పార్టీల అడ్రస్ గల్లంత చేస్తాం : మోదీ

తెలంగాణలో పలు అభివృద్ధి కార్యక్రమాలకు శంకుస్థాపన చేయడానికి తెలంగాణ లో పర్యటించిన మోడీ తన విజయ సంకల్ప యాత్రలో తెలంగాణ ప్రజానీకాన్ని ఉద్దేశించి కీలక వ్యాఖ్యలు చేశారు అధికార “బారాస” పార్టీ అవినీతి ఢిల్లీ వరకు వినిపిస్తుందని, ఎక్కడైనా అభివృద్ధి కోసం రెండు రాష్ట్ర ప్రభుత్వాలు పొత్తు పెట్టుకోవడం చూస్తున్నామని కానీ అవినీతి చేసేందుకు ఇలా రాష్ట్ర ప్రభుత్వాలు కొన్ని పార్టీలు పొత్తు పెట్టుకోవడం మొదటిసారి చూస్తున్నానని, తెలంగాణలో వేల మంది అమరవీరులు బలిదానం చేసేది ఇలాంటి అవినీతి చూడడానికా అంటూ ఆయన ప్రశ్నించారు .

జనసంఘ్ నుంచి భాజాపాకు వరంగల్ చేయూతనిస్తుందని అప్పుడు భాజపా గెలుచుకున్న రెండు ఎంపీ సీట్లలో ఒకటి హనుమకొండ అని అందుకు వరంగల్ ప్రజలకు కృతజ్ఞుణ్ణి అయ్యి ఉంటానని మోదీ చెప్పుకొచ్చారు.

ఒకప్పుడు కాంగ్రెస్ పార్టీ అవినీతిని దేశమంతా చూసిందని ఇప్పుడు భారతీయ రాష్ట్ర సమితి అవినీతిని తెలంగాణ రాష్ట్ర ప్రజానీకం చూస్తుందని ఈ రెండు విశ్వాస ఘాతక పార్టీలని,ప్రజల ఆశలను ప్రజలు పెట్టుకున్న నమ్మకాన్ని ఒమ్ము చేశాయని ఆయన తీవ్ర విమర్శలు చేశారు.