The Terrorist Movie: ‘ది టెర్రరిస్ట్’ తీసిన దర్శకుడు, నటించిన హీరోయిన్ కి హ్యాట్సాఫ్

కళైవాని రాజారత్నం( Kalaivani Rajaratnam ) అన్న పేరు ఎప్పుడైనా ఎక్కడైనా విన్నారా.? కలైవాణి రాజారత్నం అలియాస్ తెన్మొళి అలియాస్ ధన.

శ్రీలంక లోని జాఫ్నలో కైతడి అనే ఊరిలో 1968 జులై 26 న జన్మించింది.ఆమె తండ్రి రాజారత్నం ఎల్ టీటీఈ (లిబరేషన్ టైగెర్స్ అఫ్ తమిళ్ ఈలం ) వేలుపిళ్లై ప్రభాకరంకి గురువు.

ఎల్ టీటీఈ శ్రీలంకలోని తమిళులకు స్వతంత్ర దేశాన్ని సృష్టించడం కోసం, తమిళులకు సామాజిక, ఆర్ధిక, రాజకీయ హక్కులను కల్పించడం కోసం 1970 లో స్థాపించబడింది.చిన్న వయసులోనే తండ్రిని, అన్నని పోగొట్టుకున్న కలైవాణి చిన్నవయసులోనే ఉద్యమంలో భాగమైంది.

ఉద్యమంలో అంచెలంచలుగా ఎదిగి తెన్మొళిగా మారింది.మన దేశ ప్రధానమంత్రి రాజీవ్ గాంధీ( Rajiv Gandhi ) హత్యలో ప్రధాన పాత్ర పోషించింది.

రాజీవ్ గాంధీని హత్య చేయడానికి మానవబాంబుగా మారి ప్రధాని ప్రాణాలతోపాటు తన ప్రాణాలు కూడా తీసుకుంది.ఈమె జీవితం ఆధారంగా తెరకెక్కిన చిత్రం "ది టెర్రరిస్ట్".

( The Terrorist ) ఈ చిత్రాన్ని ప్రముఖ భారతీయ సినిమాటోగ్రాఫర్ సంతోష్ శివన్ 1998 లో చిత్రీకరించారు.సెన్సార్ కారణంగా చిత్రంలో ఎక్కడ ఎల్ టీటీఈ, రాజీవ్ గాంధీ, గురించి వినిపించకపోయిన ఈ కథ కళైవాని రాజారత్నం జీవితం ఆధారంగా రాసినదే.

ఒక దేశ ప్రధానిని హత్య చేసిన వ్యక్తి జీవితంపై సినిమా అనుకుంటున్నారా.? అదే ఈ సినిమాకు ఉన్న ప్రత్యేకత.