ధోనీ పేరు చెప్పి ఆ ముక్కు మొహం తెలియని సినిమాను తెస్తున్నారు!

సినిమా లో ఉన్న నటీ నటులు ఎవరికి తెలియదు, కనీసం దర్శకుడు కూడా తెలుగు వారికి పరిచయం లేడు.అయినా కూడా కేవలం ధోనీ నిర్మించిన సినిమా అనే ఉద్దేశ్యంతో ఈ సినిమా కోసం తెలుగు ప్రేక్షకులు వెయిట్‌ చేస్తున్నారు.తప్పకుండా ఒక సారి ఈ సినిమాను చూడాలి అన్నట్లుగా సినీ ప్రేమికులు ఆసక్తిగా ఎదురు చూస్తున్నారు.

భారీ అంచనాల నడుమ విడుదల కాబోతున్న ఈ సినిమాకు గాను జే పీ ఆర్ ఫిల్మ్స్‌, త్రిపుర ప్రొడక్షన్స్ వారు తెలుగు లో విడుదల చేసేందుకు భారీ ఎత్తున ఖర్చు చేస్తున్నారు.కేవలం ధోని పేరు చెప్పి సినిమాను అమ్మేశారు.

ఇప్పుడు ప్రేక్షకులను కూడా ధోని పేరు చెప్పి థియేటర్లకు రప్పించే ప్రయత్నాలు జరుగుతున్నాయి.ఎంత ధోని పేరు చెప్పినా సినిమా కంటెంట్ బాగుంటేనే రెండవ రోజు నుండి వసూళ్లు ఉంటాయి అనేది తెల్సిందే.