బీఆర్ఎస్ తో ' లెఫ్ట్ ' రైట్ ! ఆ ఇద్దరికీ ఎమ్మెల్సీ  అవకాశం ?

ఎమ్మెల్సీ ఆఫర్ పై రెండు పార్టీల కార్యదర్శులలో ఒకరు అంగీకారం తెలపగా,  మరొకరు తర్వాత దీనిపై తన అభిప్రాయాన్ని చెబుతారని కెసిఆర్ కు రాయబారం పంపారట.సీట్లు పదవులు విషయంలో సరైన క్లారిటీ వచ్చినా,  రాకపోయినా రాబోయే ఎన్నికల్లో బీఆర్ఎస్ తోనే కలిసి ముందుకు వెళ్లాలని ప్రాథమికంగా లెఫ్ట్ పార్టీలు నేతలు నిర్ణయించుకున్నారట.ఖమ్మం జిల్లాలోని కొత్తగూడెం నుంచి సిపిఐ కార్యదర్శి కూనంనేని సాంబశివరావు , ఉమ్మడి కరీంనగర్ జిల్లాలోని హుస్నాబాద్ నుంచి ఆ పార్టీ మాజీ కార్యదర్శి చాడ వెంకటరెడ్డి పోటీ చేయాలని చూస్తున్నారు.

వీరిద్దరి విషయంలో గెలుపు అవకాశాలు అంతంత మాత్రమే అన్నట్టుగా ఉండడంతో,  సర్వే రిపోర్ట్ ను కెసిఆర్ పంపించారట.  ఇక కూనంనేని  సాంబశివరావుకు ఎమ్మెల్సీగా అవకాశం ఇస్తానని కేసీఆర్ హామీ ఇచ్చారట.

ప్రస్తుతం ఉన్న పరిస్థితుల్లో బిజెపి వ్యతిరేక పోరు పేరుతో కాంగ్రెస్ వైపు వెళ్లడం కంటే , బిజెపిపై తీవ్రంగా పోరాడుతున్న బీఆర్ఎస్ వైపు వెళ్లడమే మంచిదనే అభిప్రాయంలో లెఫ్ట్ పార్టీ నేతలు ఉండడంతో,  పొత్తు దాదాపు ఖరారు అయినట్లే.దీనిపై త్వరలోనే అధికారిక ప్రకటన కూడా వెలువడనుంది.