కీర్తి సురేష్‌కు అవి అంటే మహా సిగ్గంటా..!

ప్రస్తుతం ఏ సినిమా పరిశ్రమలో అయినా హీరోయిన్స్‌ అంటే గ్లామర్‌ డాల్స్‌ అని చెప్పడంలో అతిశయోక్తి లేదు.గ్లామర్‌గా కనిపిస్తేనే నాలుగు సినిమాల్లో అవకాశాలు వస్తాయనే విషయం అందరికి తెల్సిందే.

 Keerthi Suresh About Romance In Movies-TeluguStop.com

అయితే కొందరు హీరోయిన్స్‌ మాత్రం వచ్చిన కొత్తలో స్కిన్‌ షోకు నో చెబుతూ, పొట్టి డ్రస్‌లు వేసుకోను, కిస్‌ సీన్స్‌కు ఒప్పుకోను, బికినీ అస్సలే వేసుకోను అంటూ వస్తుంటారు.అందులో కొందరు కొన్నాళ్ల తర్వాత తమ నిర్ణయాన్ని మార్చుకుంటారు.

మరి కొందరు తమ నిర్ణయానికి కట్టుబడి ఉండటం వల్ల హీరోయిన్‌గా అవకాశాలు రాక ఫేడ్‌ ఔట్‌ అవుతారు.

తెలుగులో నిత్యామీనన్‌కు మంచి పేరు దక్కింది.అయితే ఆమె స్కిన్‌ షోకు నో చెప్పడంతో పాటు, రొమాంటిక్‌ సీన్స్‌కు ఒప్పుకోక పోవడంతో నటన పరంగా మంచి ట్యాలెంటెడ్‌ అయినా కూడా ఫేడ్‌ ఔట్‌ అవుతూ వస్తుంది.మరో సంవత్సరంలో నిత్యామీనన్‌ పూర్తిగా సినిమాలకు దూరం అయ్యే అవకాశం ఉంది.

ఇక నిత్యామీనన్‌ దారిలోనే కీర్తి సురేష్‌ కూడా సాగే అవకాశం కనిపిస్తుంది.తెలుగులో ఈ అమ్మడు నేను శైలజ చిత్రంతో ప్రేక్షకుల ముందుకు వచ్చిన విషయం తెల్సిందే.

తాజాగా ‘మహానటి’ చిత్రంతో ప్రేక్షకుల ముందుకు వచ్చింది.తెలుగుతో పాటు తమిళంలో కూడా ఈమెకు భారీ క్రేజ్‌ ఉంది.

తెలుగు మరియు తమిళంలో స్టార్‌ హీరోల సరసన నటిస్తూ ప్రస్తుతం చాలా బిజీగా ఉన్న కీర్తి సురేష్‌ ఎంత పారితోషికం ఇచ్చినా కూడా రొమాంటిక్‌ సీన్స్‌కు మాత్రం నో చెబుతూ వస్తుంది.

రొమాన్స్‌ సీన్స్‌పై తాజాగా ఒక తమిళ దిన పత్రికతో మాట్లాడుతూ.

తనకు పొట్టి దుస్తులు వేసుకోవడం కంఫర్ట్‌గా ఉండదని, చిన్న దుస్తులు వేసుకున్న సమయంలో చాలా ఇబ్బంది కలుగుతుందని చెప్పుకొచ్చింది.ఇక రొమాంటిక్‌ సీన్స్‌ చేయమని అన్నప్పుడు నవ్వు వస్తుందని, సిగ్గుతో తాను సీన్స్‌ చేయలేను అంటూ ఈమె పేర్కొంది.

చిన్నప్పటి నుండి నలుగురిలో కలిసే గుణం కాకపోవడం వల్లే కొన్ని రకాల సీన్స్‌ చేసే సమయంలో చాలా సిగ్గు పడతాను అని, అందుకే అలాంటి సీన్స్‌ను చేసేందుకు ఇష్టపడను అంటూ చెప్పుకొచ్చింది.

గ్లామర్‌ షోతో పాటు రొమాంటిక్‌ సీన్స్‌ చేయాలనే ఆలోచన నాకు లేదు, ఇప్పటి వరకు నన్ను ఏ నిర్మాత కాని, దర్శకుడు కాని ఆ విదంగా చేయమని అడగలేదు అంటూ కీర్తి చెప్పుకొచ్చింది.

చిన్న చిన్న రొమాంటిక్‌ సీన్స్‌కు కూడా తనకు కొన్ని సార్లు ఇబ్బందిగా అనిపిస్తుందని చెప్పుకొచ్చింది.తన వద్దకు ఒకవేళ ముందు ముందు రొమాంటిక్‌ సీన్స్‌ చేయమని వచ్చినా కూడా తాను నో చెబుతాను అంటూ చెప్పుకొచ్చింది.

ఎప్పటిలాగే సింపుల్‌గా నటిస్తాను.అలా అవకాశాలు వచ్చే వరకు నటిస్తూనే ఉంటాను అంటుంది.

ఇలా అయితే ఎక్కువ కాలం ఇండస్ట్రీలో ఉండటం కష్టం అంటూ కీర్తిని సినీ ప్రముఖులు హెచ్చరిస్తున్నారు.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube