Gummanur Jayaram : గుమ్మనూరు చేరికతో.. గుంతకల్లు టీడీపీ లో రచ్చ రచ్చ

జగన్ క్యాబినెట్ లో మంత్రిగా ఉన్న గుమ్మనూరు జయరాం( Gummanur Jayaram ) ఆ పార్టీలో తనకు సరైన ప్రాధాన్యం దక్కడం లేదనే అసంతృప్తితో టిడిపిలో చేరిపోయారు.

ఎప్పటి నుంచో జయరాం వైసిపి ప్రభుత్వం పై అసంతృప్తితో ఉన్నారని, పార్టీ మారేందుకు ప్రయత్నిస్తున్నారనే ప్రచారం జరుగుతుండగా ఎట్టకేలకు ఆయన పార్టీ మారిపోయారు.

ఆలూరు ఎమ్మెల్యేగా ఉన్న జయరాం టిడిపిలో చేరడంతో వెంటనే మంత్రి పదవి నుంచి ఆయనను భర్తరఫ్ చేశారు.జయహో బీసీ సభలో చంద్రబాబు సమక్షంలో గుమ్మనూరు జయరాం టిడిపి కండువా కప్పుకున్నారు.

ఆయనతో పాటు, ఆయన అనుచరులు చాలామంది టిడిపిలోకి చేరిపోయారు.వచ్చే ఎన్నికల్లో గుంతకల్లు అసెంబ్లీ నియోజకవర్గ టిడిపి అభ్యర్థిగా పోటీ చేయబోతున్నట్లు ప్రకటించారు.

ఈ మేరకు టిడిపి అధినేత చంద్రబాబు నుంచి జయరాంకు హామీ కూడా లభించడంతోనే ఆయన పార్టీ మారినట్లుగా ప్రచారం జరుగుతుంది.