అది పిల్లలను ఏడిపించే పండుగ... విజేతను ఎలా నిర్ణయిస్తారంటే..

ప్రపంచవ్యాప్తంగా అనేక అద్భుతమైన కార్యక్రమాలు, సాంస్కృతిక ఉత్సవాలు జరుపుకుంటారు.అయితే వీటిలో కొన్ని చాలా వింతగా ఉంటాయి.

మనల్ని ఆశ్చర్యపరుస్తాయి.అలాంటి ఒక ఉత్సవమే ది క్రయింగ్ బేబీ ఫెస్టివల్( The Crying Baby Festival ).సాధారణ జీవితంలో ఏ తల్లిదండ్రులూ తమ పిల్లలను ఏడిపించాలని కోరుకోరు.కానీ జపాన్‌లో మాత్రం పిల్లలను ఏడిపించేందుకు రెగ్యులర్ గా ఓ ఈవెంట్ జరుపుకుంటారు.జపాన్‌లో నాకీ సుమో ఈవెంట్ మళ్లీ ప్రారంభమైంది.400 ఏళ్లనాటి నాకీ సుమో ఈవెంట్‌ను జపాన్ అంతటా ప్రతి సంవత్సరం జరుపుకుంటారు.ఇది పిల్లలను దుష్టశక్తుల నుండి కాపాడుతుందని, వారికి మంచి ఆరోగ్యం, అదృష్టాన్ని ప్రసాదిస్తుందని నమ్ముతారు.

నాకీ సుమో ఫెస్టివల్‌లో పిల్లలను పట్టుకుని వింత శబ్దాలు చేస్తూ, వారిని ఏడిపించే ప్రయత్నం చేస్తారు.ఇందులో ఏ చిన్నారి ముందుగా ఏడుస్తుందో ఆ చిన్నారి పోటీలో గెలుస్తుంది.

డజన్ల కొద్దీ జపాన్ పిల్లలను ఏడిపించే పోటీ ఇప్పుడు జపాన్‌లో ప్రారంభమైంది.ఈ పిల్లలను "క్రైయింగ్ సుమోస్"( Crying Sumos ) అంటారు.

దీనివల్ల పిల్లలకు మంచి ఆరోగ్యం చేకూరుతుందని నమ్మకం.