రాజీనామా ఆలోచనలో జనసేన కీలక నేత ? 

ఏపీలో టిడిపి ,జనసేన ,బిజెపిలు ( TDP, Janasena, BJP ) పొత్తు పెట్టుకుని ముందుకు వెళుతున్నాయి.

ఈ ఎన్నికల్లో వైసీపీని అధికారంలోకి రాకుండా చేయడమే లక్ష్యంగా ఈ మూడు పార్టీలు ముందుకు వెళుతున్నాయి.

టిడిపి,  బిజెపిలతో పొత్తు కారణంగా జనసేన 21 అసెంబ్లీ,  2 ఎంపీ స్థానాలను మాత్రమే తీసుకుంది.అయితే కనీసం 50 స్థానాలైనా జనసేనకు పొత్తుల భాగంగా టిడిపి కేటాయిస్తుందని ఆ పార్టీ నాయకులు భావించినా, అది సాధ్యం కాలేదు.

  దీంతో జనసేన లో క్రియాశీలకంగా వ్యవహరిస్తూ ,మొదటి నుంచి నియోజకవర్గాల్లో పార్టీ కార్యక్రమాలు చేపడుతూ వస్తున్న నాయకులకు ఈ ఎన్నికల్లో టికెట్ దక్కలేదు.అలాగే చివరి నిమిషంలో టిడిపి నుంచి జనసేన లో చేరిన వారికి ఎక్కువ సీట్లు కేటాయించడం ,తదితర వ్యవహారాలపై ఆ పార్టీ నాయకులు కొంతమంది అసంతృప్తికి గురై ఇప్పటికే పార్టీ మారగా , మరి కొంత మంది అదే బాటలో ఉన్నట్టుగా కనిపిస్తున్నారు.