జనసేనలో వర్గ పోరు??

ఉభయగోదావరి జిల్లాలో 11 నియోజకవర్గాలను కవర్ చేసేలా జనసేన పార్టీ ప్లాన్ చేసిన వారాహి యాత్ర ఈరోజు నుండి ప్రారంభమవుతుంది.

అన్నవరం సత్యదేవుని దర్శనం తర్వాత యాత్ర ప్రారంభమవుతుంది.

మొదటి బహిరంగ సభ కత్తిపూడి జంక్షన్ లో ఏర్పాటు చేయనున్నట్లు తెలుస్తుంది .ప్రతి నియోజకవర్గంలోనూ ప్రత్యేకంగా ఎక్కడ సమస్యలను అక్కడే పరిశీలించి అక్కడ ప్రజలతో చర్చించి ఒక యాక్షన్ ప్లాన్ రూపొందించుకునే విధంగా నూతన విధానంలో ఈ యాత్రను ప్లాన్ చేసినట్టుగా తెలుస్తుంది.మౌలిక సదుపాయాల విషయంలో కానీ అభివృద్ధి పరమైన విషయాలలో గాని ప్రభుత్వం నుంచి ఎదుర్కొంటున్న ఇబ్బందుల విషయంలో గానీ ప్రజల నుంచి ఫిర్యాదులు స్వీకరించేలా జనవాణి కార్యక్రమాన్ని కూడా నిర్వహిస్తారని సమాచారం.

వచ్చే ఎన్నికల్లో క్రియాశీలక పాత్ర పోషించాలని చూస్తున్న జనసేనకు ఈ పర్యటన అత్యంత ప్రాధాన్యత కలిగినదిగా చెప్పవచ్చు ప్రజల్లో ఈ యాత్ర ద్వారా ప్రజల్లో పార్టీ పట్ల ఆసక్తి ని పెంచే విధంగా యాక్షన్ ప్లాన్ రూపొందించినట్లుగా తెలుస్తుంది.