సింగపూర్ కార్మిక సంఘాల సమాఖ్య అధ్యక్షురాలిగా భారత సంతతి మహిళ.. ఎవరీ ధనలెచ్చిమి..?

సింగపూర్‌లో( Singapore ) భారత సంతతి మహిళ అరుదైన ఘనత సాధంచారు.దేశంలోని అతిపెద్ద లేబర్ గ్రూప్ ‘‘ నేషనల్ ట్రేడ్స్ యూనియన్ కాంగ్రెస్ ’’( National Trades Union Congress ) అధ్యక్షురాలిగా కె ధనలెచ్చిమి( K Thanaletchimi ) నియమితులయ్యారు.

నేషనల్ ట్రేడ్స్ యూనియన్ కాంగ్రెస్ (ఎన్‌టీయూసీ) 58 అనుబంధ సంఘాల నుంచి దాదాపు 450 మంది ప్రతినిధులు గురువారం రహస్య బ్యాలెట్ విధానంలో ఆమెను ఎన్నుకున్నారు.2027 వరకు నాలుగేళ్ల పాటు ధనలెచ్చిమి విధులు నిర్వర్తించనున్నారు.58 ఏళ్ల ధనలెచ్చిమి మేరీ లీవ్ నుంచి బాధ్యతలు స్వీకరించారు.ఈ సందర్భంగా ఆమె మాట్లాడుతూ.

కార్మికుల కాంపాక్ట్‌ను పునరుద్ధరించామని చెప్పారు.కొత్త సెంట్రల్ కమిటీతో కార్మికుల ప్రయోజనాలను కొనసాగించడం, వారి వేతనాలు, సంక్షేమం, పని అవకాశాలను మెరుగుపరచడం లక్ష్యంగా పనిచేస్తానని ధనలెచ్చిమి చెప్పారు.