డెలివరీ సర్వీస్ జెప్టోలో ఒక రోజు పని చేసిన హైదరాబాద్ యువకుడు.. ఎర్నింగ్స్ ఇవే..?

ఇండియాలో డెలివరీ సర్వీసులు అందిస్తున్న కంపెనీల సంఖ్య బాగా పెరిగిపోతోంది.నిరుద్యోగులు వీటిలో చేరవచ్చా లేదా అనే సందేహంలో ఉండిపోతున్నారు.

ఇలాంటి వ్యక్తుల డౌట్స్ క్లియర్ చేయడానికి కొందరు 1-డే డెలివరీ పార్ట్‌నర్‌గా వర్క్ చేసి ఎర్నింగ్స్, ఛాలెంజ్‌లు, ఇతర ముఖ్యమైన విషయాలు తెలియజేస్తున్నారు.ఇటీవల ఓ బెంగళూరు మహిళ బ్లింకిట్ కంపెనీలో డెలివరీ పార్ట్‌నర్‌గా పార్ట్ టైమ్ జాబ్ చేసింది.

ఆమె అనుభవాలను చూసి హైదరాబాద్‌లో( Hyderabad ) ఒకాయన కూడా జెప్టో( Zepto ) అనే ఇంకో కంపెనీలో డెలివరీ పార్ట్‌నర్‌గా పని చేయాలని నిర్ణయించుకున్నాడు.అనుకున్నదే తడవుగా ఈ పని చేశాడు.

ఆ పని చేస్తున్నప్పుడు ఎదురైన కొన్ని కష్టాల గురించి సోషల్ మీడియా ప్లాట్‌ఫామ్ ఎక్స్‌లో పోస్ట్ చేశాడు.ఈ జాబ్‌లో కొన్ని సమస్యలు ఉన్నాయని, వాటిని సరిచేయాలని చెప్పాడు.

ఆ హైదరాబాద్‌ వాసి పేరు దినేష్.( Dinesh ) ఒక రోజు డెలివరీ బాయ్‌గా పని చేసిన దినేష్ జెప్టో కంపెనీ ఎలా పని చేస్తుందనేది తెలుసుకోవడానికి ఇతర డెలివరీ బాయ్‌లు, కస్టమర్లు, స్టోర్ మేనేజర్లతో మాట్లాడాడు.అలా ఆ పని గురించి చాలా విషయాలు తెలుసుకున్నాడు.