కంపెనీలలో గ్రూప్ హెల్త్ ఇన్సూరెన్స్ ఉందా.. మరి జాబ్ మానేస్తే పరిస్థితి ఏంటి..?

చాలా కంపెనీలు తమ ఉద్యోగులకు గ్రూప్ హెల్త్ పాలసీలను అందిస్తున్నాయి.ఈ పాలసీలు కంపెనీలో ఉద్యోగి ఉద్యోగం చేసే కాలానికి మాత్రమే వర్తిస్తాయి.

వారు ఉద్యోగాన్ని వదిలివేసినా, పదవీ విరమణ చేసినా లేదా కంపెనీ గ్రూప్ హెల్త్ ఇన్సూరెన్స్‌ను అందించడం ఆపివేసినా, కవరేజీని కోల్పోతారు.అప్పుడు అత్యవసర పరిస్థితులలో ఇబ్బందులు తప్పవు.

ఈ సమస్యను గ్రూప్ హెల్త్ పాలసీ నుంచి వ్యక్తిగత పాలసీకి మారడం ద్వారా నివారించవచ్చు.సింగిల్ లేదా ఇండివిడ్యువల్ పాలసీకి మారడానికి, పాలసీ రెన్యువల్ తేదీకి కనీసం 45 రోజుల ముందు తప్పనిసరిగా బీమా కంపెనీకి తెలియజేయాలి.

అలానే వైద్య పరీక్ష చేయించుకోవాల్సి ఉంటుంది.