అయ్యో పాపం, గోపీచంద్‌కు మరో ఫ్లాప్.. ప్రతిసారీ అదే మిస్టేక్ రిపీట్..?

గోపీచంద్‌కు( Gopichand ) టాలీవుడ్‌లో ప్రత్యేకమైన స్థానం ఉంది.

జయం, నిజం, యజ్ఞం, వర్షం సినిమాల్లో అతడి యాక్టింగ్ చూస్తే ఎవరైనా సరే ఫిదా అవ్వాల్సిందే.

అంత మంచి నటుడతడు.మంచి సినీ బ్యాక్‌గ్రౌండ్ కూడా అతని సొంతం.

గోపీచంద్ చాలా మంచోడు అని చెబుతుంటారు.అంతేకాదు, ఈయన ఆరడుగుల అందగాడు.

సిక్స్ ప్యాక్ బాడీ కూడా ఉంది.కానీ గత కొన్నేళ్లుగా వరుసగా ఫ్లాప్స్ అందుకుంటున్నాడు.

సినిమా కథలను, దర్శకులను ఎంచుకునే విషయంలో తప్పులు చేయడమే ఆయన సినిమాలు ఫెయిల్ కావడానికి ప్రధాన కారణం.ఆయన ప్రతిసారీ ఫ్లాప్ అందుకుంటూ చివరికి కమ్ బ్యాక్ ఇవ్వలేని దుస్థితికి చేరుకున్నాడు.

ఒకప్పుడు గోపీచంద్‌కు ప్రభాస్‌తో( Prabhas ) సమానమైన ఇమేజీ ఉంది.కానీ ఇప్పుడు కెరీర్ పరంగా ప్రభాస్ దరిదాపుల్లో కూడా లేకుండా పోయాడు గోపీచంద్.

ఇద్దరూ మంచి దోస్తులు.ఒకరేమో వరుసగా పాన్ ఇండియా హిట్స్ అందుకుంటుంటే గోపీచంద్ మాత్రం వరుసగా ఫ్లాప్స్ మాత్రమే అందుకుంటున్నాడు.

నిజానికి గోపీచంద్ సినిమా వస్తుందంటే అది ఒక ఫ్లాప్ సినిమా అని దాన్ని చూడకుండానే ఆడియన్స్ అనేస్తున్నారు.అలా ఈ హీరో సినిమాలపై ఓ ముద్ర పడిపోయింది.

అయితే ఈ నటుడికి ఎన్ని ఫ్లాప్స్ ఎదురైనా అవకాశాలు మాత్రం వస్తూనే ఉన్నాయి.అది సంతోషించదగిన విషయం అని చెప్పుకోవచ్చు.కానీ ఈ అవకాశాలను ఆయన సద్వినియోగం చేసుకోవాలి.2017 నుంచి ఆయన తీసిన ఆక్సిజన్, పంతం, చాణక్య, సీటీమార్, ఆరడుగుల బుల్లెట్, పక్కా కమర్షియల్, రామబాణం బీమా సినిమాలన్నీ కూడా ఫ్లాప్ అయ్యాయి.అంటే దాదాపు 8 ఏళ్లలో ఆయన ఖాతాలో ఒక్కటంటే ఒక్క హిట్ పడలేదు.

ఇటీవల కాలంలో ఈ హీరో చేసిన సినిమాలు చూస్తే అవన్నీ ఒకే ఫార్ములా కథలతో వచ్చినట్టుగా అర్థమవుతుంది.ప్రతి గోపీచంద్ సినిమాలో సేమ్ ఫైట్లు, సేమ్ డాన్సులు కనిపిస్తున్నాయి.

ఎప్పుడూ రొటీన్ సినిమాలు తీయడం తప్ప గోపీచంద్ సినిమాల్లో వైవిధ్యం కనిపించడం లేదు.ఈ రోజుల్లో నిఖిల్, సాయి ధరమ్‌ తేజ్, చివరికి కళ్యాణ్ రామ్ కూడా ఏదో ఒక ప్రయోగాత్మక సినిమా తీస్తూ పాన్ ఇండియా రేంజ్ లో హిట్స్‌ అందుకుంటున్నారు.

ఏదో నటించామా, సినిమా ఫినిష్ చేశామా అనేది తప్ప గోపీచంద్ ఏమీ పట్టించుకోవడం లేదని తెలుస్తోంది.