ధర్మశాల అందాలకు ముగ్ధుడైన జర్మన్.. 'ప్రతి క్షణం నచ్చింది' అంటూ..?

కోడింగ్ ఫెలోషిప్‌లో( Coding Fellowship ) పాల్గొనడమే కాకుండా, శామ్యూల్ హుబెర్ భారతీయ డెవలపర్ల నైపుణ్యానికి ముగ్ధుడయ్యాడు.క్రిప్టో ప్రపంచంలో ఇండియా దూసుకుపోతున్న తీరుని స్వయంగా చూసి ఆశ్చర్యపోయాడు.ఫుట్‌బాల్ ఆటలు, డ్రోన్ ఫ్లైయింగ్‌లతో ఫెలోషిప్ సభ్యులంతా సందడి చేశారు.

భారతీయ సంస్కృతిని తనదైన శైలిలో ఆస్వాదించాడు శామ్యూల్.తన స్నేహితులు బహుమతిగా ఇచ్చిన కుర్తా ధరించి సంప్రదాయానికి గౌరవం ఇచ్చాడు.

ఇక ట్రియుండ్ ట్రెక్‌ అయితే ఆయన జీవితంలోనే ఒక మధుర జ్ఞాపకంగా నిలిచిపోయింది.ఇండియా ఇచ్చిన అనుభవానికి కృతజ్ఞతలు తెలుపుతూ, 2025లో మళ్ళీ వస్తానని ప్రకటించాడు శామ్యూల్.

స్నేహితులను కలవడం, భారతదేశపు అందాలను మరింత చూడాలనే ఆత్రుతను సోషల్ మీడియా ద్వారా పంచుకున్నాడు.నెటిజన్లు కూడా శామ్యూల్ అనుభవానికి ఫిదా అయి, కామెంట్ల వర్షం కురిపిస్తున్నారు.