సల్మాన్ ఖాన్ ను మాత్రం కచ్చితంగా చంపేస్తాం.. గోల్డీ బ్రార్ సంచలన వ్యాఖ్యలు వైరల్!

బాలీవుడ్ ఇండస్ట్రీలోని స్టార్ హీరోలలో ఒకరైన సల్మాన్ ఖాన్ కు( Salman Khan ) ప్రేక్షకుల్లో ఊహించని స్థాయిలో క్రేజ్ ఉండగా సల్మాన్ ఖాన్ సినిమాలకు భాషతో సంబంధం లేకుండా భారీ స్థాయిలో బిజినెస్ జరుగుతోంది.

అయితే సల్మాన్ ఖాన్ ను చంపేస్తామంటూ గోల్డీ బ్రార్ ( Goldy Brar ) సంచలన వ్యాఖ్యలు చేయగా ఆ వ్యాఖ్యలు ప్రస్తుతం సోషల్ మీడియా వేదికగా తెగ వైరల్ అవుతున్నాయి.

ఈ మధ్య కాలంలో సల్మాన్ ఖాన్ జాతకం అస్సలు బాలేదు.సల్మాన్ ఖాన్ కు వరుసగా బెదిరింపులు ఎదురవుతూ ఉండటం సోషల్ మీడియా వేదికగా హాట్ టాపిక్ అవుతోంది.

కెనడాకు చెందిన గోల్డీ బ్రార్ అనే గ్యాంగ్ స్టర్ ఒక జాతీయ మీడియాతో మాట్లాడుతూ ఈ కామెంట్లు చేయడం జరిగింది.సల్మాన్ ఖాన్ ను మాత్రమే కాదని గతంలో చెప్పిన కొంతమంది శత్రువులను సైతం కచ్చితంగా చంపేస్తామని గోల్డీ బ్రార్ అన్నారు.

తమ లక్ష్యం సల్మాన్ ఖాన్ అని సల్మాన్ ను చంపే విషయంలో ఎలాంటి సందేహం అవసరం లేదని గోల్డీ బ్రార్ పేర్కొన్నారు.