ఇదేక్కడికి ట్విస్ట్.. పాక్‌లో స్వీట్లు అమ్ముకుంటున్న డొనాల్డ్ ట్రంప్ తమ్ముడు.. వీడియో చూడండి!

పాకిస్థాన్‌లోని పంజాబ్ రాష్ట్రంలో ఉన్న సాహివాల్ నగరంలో ఒక ఫుడ్ వెండర్ ఇప్పుడు సోషల్ మీడియా సెన్సేషన్ అయిపోయాడు.అతడి పేరు సలీమ్ బగ్గా.

ఈయన రుచికరమైన ఖీర్, కుల్ఫీ అమ్ముతూ చాలా ఫేమస్ అయ్యాడు.అయితే ఇతనికి ఇంత పేరు రావడానికి మరో ముఖ్యమైన కారణం ఉంది.

అదేంటంటే, అచ్చం అమెరికా మాజీ అధ్యక్షుడు డొనాల్డ్ ట్రంప్‌లా ఉండటమే.అతడిని చూసి చాలామంది "బహుశా ఇతడు డొనాల్డ్ ట్రంప్ కి స్వయానా తమ్ముడు అవుతాడేమో" అని ఫన్నీగా కామెంట్లు పెడుతుంటాడు.

సలీమ్ బగ్గా చూడటానికి సేమ్ టు సేమ్ డొనాల్డ్ ట్రంప్‌లా ఉంటాడు.అతడికున్న తెల్లటి జుట్టు (అల్బినిజం వల్ల వచ్చింది), ట్రంప్‌ను గుర్తు చేసే ముఖ కవళికలు అందరినీ ఆశ్చర్యపరుస్తున్నాయి.

దీంతో అతనికి "ఖీర్ సెల్లింగ్ ట్రంప్" అనే క్రేజీ పేరు కూడా వచ్చేసింది.తన రంగురంగుల ఫుడ్ కార్ట్‌తో బగ్గా అందరి దృష్టిని ఆకర్షిస్తున్నాడు.

స్థానికులే కాదు, ఆ ఊరికి వచ్చిన వాళ్లు కూడా అతడి దగ్గర స్వీట్లు తింటూ సెల్ఫీలు దిగుతున్నారు.అంతేకాదు, కస్టమర్లను మరింత ఉత్సాహపరిచేందుకు బగ్గా పంజాబీ పాటలు కూడా అద్భుతంగా పాడుతుంటాడు.