మీ పిల్లలు ఎత్తు పెరగాలని అనుకుంటున్నారా..?! అయితే ఇలా చేయండి..!

తమ పిల్లలు ఎత్తుగా పెరగాలని ప్రతి తల్లిదండ్రులు కోరుకుంటూ ఉంటారు.అందుకు సంబంధించిన ఆహారం ఇస్తుండడం, ఎక్సర్సైజులు చేయించడం వంటివి చేస్తూ ఉంటారు.

పిల్లలు ఎత్తు పెరగడం అనేది వంశపారంపర్య లక్షణమే అయినా తీసుకునే ఆహారం కూడా ఎదుగుతున్న పిల్లల్లో పెరుగుదలకు దోహద పడుతుంది.అయితే సాధారణంగా పిల్లల్లో 20 ఏళ్ల వయసు వచ్చే వరకు ఎత్తు పెరిగే అవకాశం ఉంటుంది.

తల్లిదండ్రులు ఎదుగుతున్న తమ పిల్లల విషయంలో చాలా జాగ్రత్తలు తీసుకోవాల్సి ఉంటుంది.వారు తీసుకునే ఆహారం, నిద్ర ఈ విషయంలో జాగ్రత్తలు పాటించాల్సినవసరం ఉంది.

ఎత్తు పెరగడం అనేది ముఖ్యంగా ఎముకల ఆరోగ్యం పైనే ఆధారపడి ఉంటుంది.ఎముకల ఆరోగ్యం కోసం పిల్లలకు ఇచ్చే ఆహారంలో తగిన మోతాదులో ప్రోటీన్లు కాల్షియం విటమిన్ డి ఉండేలా చూసుకోవాలి.

ప్రోటీన్లు కోసం గుడ్లు, మాంసం, చేపలు, పాలు, పెరుగు, పప్పుధాన్యాలు బాదం, ఆక్రోట్ , పిస్తా ఇలాంటి గింజలు తీసుకోవాలి.క్యాల్షియం కోసం ఆకుకూరలు, పాలు, పెరుగు, పనీర్ మొదలైన పదార్థాలను తీసుకోవాలి.

రోజుకు కనీసం అర లీటర్ నుండి లీటర్ పాలు, లేక పాల పదార్థాలు తీసుకుంటే ఎత్తు పెరిగేందుకు సరిపడా కాల్షియం అందుతుంది.