షూటింగ్ స్పాట్ లో విక్రమ్ - సదా మధ్య ఇంత నడిచిందా..మ్యాటర్ తెలుసుకొని సీరియస్ వార్నింగ్ ఇచ్చిన డైరెక్టర్ శంకర్

తెలుగు లో మంచి మార్కెట్ ఉన్న హీరోలలో ఒకరు చియాన్ విక్రమ్.( Chiyaan Vikram ) అప్పట్లో ఈయన ఒక సంచలనం అనే చెప్పాలి.

తమిళం లో ఆ రోజుల్లో సూపర్ స్టార్ రజినీకాంత్ తర్వాత ఆ రేంజ్ బ్లాక్ బస్టర్ హిట్స్ అందుకున్న హీరోగా విక్రమ్ సరికొత్త చరిత్ర సృష్టించాడు అప్పట్లో.ఇక తెలుగు లో శివ పుత్రుడు సినిమా ద్వారా మొట్టమొదటి సూపర్ హిట్ ని అందుకున్నాడు.

ఆ తర్వాత కొన్నాళ్ళకు అపరిచితుడు ( Aparichitudu ) అనే సినిమాతో ఏ రేంజ్ సెన్సేషన్ ని సృష్టించాడో ప్రత్యేకించి చెప్పనక్కర్లేదు.అన్నియన్ పేరుతో తమిళం లో డైరెక్టర్ శంకర్( Director Shankar ) తెరకెక్కించిన ఈ చిత్రాన్ని తెలుగు లో అపరిచితుడు పేరుతో డబ్బింగ్ చేసారు.

విడుదలైన కొత్తల్లో ఈ చిత్రాన్ని అసలు ఎవరూ పట్టించుకోలేదు.వారం రోజుల పాటు థియేటర్స్ ఖాళీగా ఉండేవి.

కానీ చిన్నగా పాజిటివ్ టాక్ వ్యాప్తి చెందడం తో బాక్స్ ఆఫీస్ వద్ద ఈ సినిమా ప్రభంజనం సృష్టించేసింది.తమిళం కంటే తెలుగులోనే ఎక్కువ వసూళ్లు వచ్చాయి.

అప్పట్లోనే ఈ చిత్రం సుమారుగా 50 కోట్ల రూపాయిల గ్రాస్ ని వసూలు చేసిందట.ఇందులో విక్రమ్ కి జోడిగా సదా ( Sadha ) నటించింది.

ఈ సినిమాలో వీళ్లిద్దరి మధ్య కెమిస్ట్రీ ఆన్ స్క్రీన్ చూడడానికి ఎంతో చక్కగా అనిపించింది.అయితే కెమెరా ఆన్ లో లేనప్పుడు వీళ్లిద్దరు అన్నా చెల్లి అని పిలుచుకునేవారట.