బన్నీ శాపం యంగ్ టైగర్ ఎన్టీఆర్ కు వరమైందా.. ఆ మార్క్ ను తారక్ టచ్ చేశారా?

Madhura Vani

Sr Reporter

2024-06-21   15:23:30  IST

సుకుమార్ దర్శకత్వంలో అల్లు అర్జున్( Allu Arjun ) హీరోగా నటించిన తాజా చిత్రం పుష్ప 2.

Ad

ఈ ఏడాది మోస్ట్ అవైటెడ్ మూవీస్‌లో పుష్ప2 కూడా ఒకటి.

ఈ సినిమా కోసం తెలుగు రాష్ట్రాల ప్రజలు మాత్రమే కాకుండా పాన్ ఇండియా ప్రేక్షకులు కూడా ఎంతో ఆత్రుతగా ఎదురుచూస్తున్నారు.ఎలా అయినా ఈ సినిమాను ఆగస్టు 15న విడుదల చేయాలని మూవీ మేకర్స్ భావించారు.

ఈ మేరకు అధికారికంగా ప్రకటన కూడా చేశారు.దాంతో పుష్ప 2( Pushpa 2 )ఆగస్ట్ 15న విడుదల అవుతుంది కదా అని అభిమానులు ఎంతో ఆత్రుతగా ఎదురు చూస్తుండగా ఇంతలోనే అభిమానులను నిరాశ పరుస్తూ ఈ సినిమా విడుదల తేదీని మార్చేశారు.

ఇప్పుడు ఇంకో నాలుగు నెలలు అదనంగా నిరీక్షించాల్సి వస్తోంది.పుష్ప-2 వాయిదా వల్ల చాలా సినిమాల షెడ్యూళ్లు కూడా తారుమారు అయ్యాయి.పుష్ప-2 బడ్జెట్, బిజినెస్ మీద కూడా వాయిదా నిర్ణయం తీవ్ర ప్రభావం చూపింది.అయితే వేరే సినిమాలు కొన్నింటికి పుష్ప 2 వాయిదా నిర్ణయం ప్లస్ అవుతోంది.

క్రేజీ డేట్‌ అయిన ఆగస్ట్ 15ను వాడేసుకోవడానికి డబుల్ ఇస్మార్ట్ ( Double iSmart )లాంటి చిత్రాలు కర్చీఫ్ వేసేస్తున్నాయి.మరోవైపు పుష్ప 2 వాయిదా నిర్ణయం జూనియర్ ఎన్టీఆర్ సినిమా దేవర( Devara ) క్రేజ్, బిజినెస్‌ను పెంచిందని టాక్.

అయితే ప్రభాస్ నటించిన కల్కి సినిమా తర్వాత అందరి చూపు కూడా ఈ సినిమా వైపే ఉండేది.