కెనడాతో విభేదాలు.. ఒట్టావాలో భారత తాత్కాలిక హైకమీషనర్‌గా నాయక్!

మరోవైపు.కెనడాలోని పరిస్ధితులను నిశితంగా పరిశీలిస్తున్న భారత ప్రభుత్వం ఒట్టావాలో( Ottawa ) తాత్కాలిక హైకమీషనర్‌గా చిన్మోయ్ నాయక్‌ను( Chinmoy Naik ) నియమించింది.ఈ మేరకు కెనడాలోని భారత హైకమీషన్ ఆదివారం ఓ ప్రకటనలో తెలిపింది.

కెనడాతో దౌత్య వివాదం నేపథ్యంలో సంజయ్ కుమార్ వర్మ సహా మరో ఐదుగురు దౌత్య సిబ్బందిని భారత్ వెనక్కి పిలిచిన నేపథ్యంలో వారి బాధ్యతలను నాయక్ స్వీకరించారు.నాయక్ ఫిబ్రవరి 2023 నుంచి ఒట్టావాలోని హైకమీషన్ ఆఫ్ ఇండియా డిప్యూటీ కమీషనర్‌గా విధులు నిర్వర్తిస్తున్నారు.2004 బ్యాచ్ ఇండియన్ ఫారిన్ సర్వీస్ (ఐఎఫ్ఎస్) అధికారి అయిన చిన్మోయ్ నాయక్. గతంలో బీజింగ్, ప్యారిస్‌లోని భారత రాయబార కార్యాలయాల్లో పనిచేశారు.

న్యూఢిల్లీలోని విదేశీ వ్యవహారాల శాఖ కార్యాలయంలో ఉండగా.యురేషియా, నిరాయుధీకరణ, కొత్త సాంకేతికతలు, సాంస్కృతిక దౌత్యానికి సంబంధించిన వ్యవహారాలను నాయక్ నిర్వర్తించారు.