బాలయ్యకు అంత సీన్‌ ఉందా?

ఏ తెలుగు సినిమా కూడా సాధించని రికార్డును నందమూరి బాలకృష్ణ నటించిన ‘లెజెండ్‌’కు దక్కింది.

ఏకంగా 400 రోజులు ఆడి టాలీవుడ్‌లో ఒక రికార్డును నమోదు చేసిన ‘లెజెండ్‌’పై ప్రశంసల జల్లు కురుస్తూనే ఉంది.

తాజాగా ఎమిగనూరులో ఈ సినిమా 400 రోజుల వేడుక అంగరంగ వైభవంగా జరిగిన విషయం తెల్సిందే.ఆ వేడుకలో ఏపీ సీఎం చంద్రబాబు నాయుడు పాల్గొన్నాడు.

ఆ వేడుకలో చంద్రబాబు చేసిన ఆసక్తికర వ్యాఖ్యలు ప్రస్తుతం ఫిల్మ్‌ సర్కిల్స్‌లో తెగ ప్రచారం జరుగుతున్నాయి.త్వరలో బాలకృష్ణ నటించబోతున్న 100వ సినిమా ఏకథాటిగా వెయ్యి రోజులు ఆడాలని, ఆడుతుందనే నమ్మకం ఉందంటూ చంద్రబాబు నాయుడు అన్నాడు.

దాంతో నందమూరి అభిమానులు పెద్ద ఎత్తున కరతాల ద్వనులతో చంద్ర బాబు మాటకు మద్దతు తెలిపారు.టాలీవుడ్‌లో బాలయ్య మాత్రమే రియల్‌ హీరో అంటూ చంద్రబాబు తేల్చి చెప్పాడు.

అయితే బాలయ్యకు వెయ్యి రోజుల సినిమా చేసే సీన్‌ ఉందా అనే టాక్‌ వినిపిస్తోంది.బాలయ్య తన వందవ సినిమా కోసం ఎన్నో కథలు వింటున్నాడు.

రికార్డులు బ్రేక్‌ అయ్యేలా తన 100వ సినిమా ఉండాలని బాలయ్య కోరుకుంటున్నాడు.మరి బావ ఆశించినట్లుగా వెయ్యి రోజుల సినిమాను బాలయ్య అందిస్తాడో లేదో చూడాలి.