మధుమేహం ఉన్న‌వారు నెయ్యి తినవచ్చా..?

భారతీయ వంటకాల్లో నెయ్యి( Ghee ) ప్ర‌ధాన‌మైన‌ది.వంట‌ల్లో నెయ్యిని విరివిగా ఉప‌యోగిస్తారు.

అనేక ర‌కాల స్వీట్స్ త‌యారీలో నెయ్యి అతి ముఖ్య‌మైన‌ది.గొప్ప రుచి మ‌రియు పోష‌క విలువ‌ల‌ కార‌ణంగా పిల్ల‌ల నుంచి పెద్ద‌ల వ‌ర‌కు నెయ్యిని ఎంతో ఇష్టంగా తీసుకుంటారు.

అయితే మ‌ధుమేహం( Diabetes ) ఉన్న వారు నెయ్యి తిన‌వ‌చ్చా? అనే డౌట్ చాలా మందికి ఉంటుంది.మ‌ధుమేహం అనేది దీర్ఘకాలిక వ్యాధి.

మ‌ధుమేహం బారిన ప‌డితే శరీరం తగినంత ఇన్సులిన్‌ను ఉత్పత్తి చేయదు లేదా దానిని సమర్థవంతంగా ఉపయోగించదు.ఇది రక్తంలో అధిక చక్కెర స్థాయిలకు దారితీస్తుంది.

అందుకే మ‌ధుమేహం ఉన్న‌వారు ఆహారం ఎంపిక‌లో చాలా జాగ్ర‌త్త‌లు వ‌హించాలి.ఇకపోతే మ‌ధుమేహం ఉన్న‌వారు నెయ్యిని ఎటువంటి భ‌యం లేకుండా తీసుకోవ‌చ్చు.

నిజానికి మధుమేహులు నెయ్యిని తీసుకోవ‌డం వల్ల అనేక ప్రయోజనాలు లభిస్తాయి.నెయ్యిలో కొవ్వులు మరియు కేలరీలు అధికంగా ఉన్నప్పటికీ, ఇది తక్కువ గ్లైసెమిక్ సూచికను కలిగి ఉంటుంది.

ఆరోగ్యకరమైన కొవ్వులు, యాంటీ ఆక్సిడెంట్లకు నెయ్యి గొప్ప మూలం.అందువ‌ల్ల నెయ్యి రక్తంలో చక్కెర స్థాయిలను నిర్వహించడానికి ఉపయోగకరంగా ఉంటుంది.