ఫోకస్ పెంచిన కేటీఆర్.. నేడు రోడ్డు షో

ఇటీవల జరిగిన తెలంగాణ అసెంబ్లీ ఎన్నికల్లో బీఆర్ఎస్ పార్టీ( BRS Party ) ఓటమి చెందడం తో మరికొద్ది రోజుల్లో జరగనున్న పార్లమెంట్ ఎన్నికల్లో( Parliament Elections ) 17 స్థానాలలో మెజారిటీ స్థానాలను తమ ఖాతాలో వేసుకోవాలనే ఆలోచనతో ఉంది బీఆర్ఎస్ పార్టీ .

ఈ మేరకు ఆ పార్టీ వర్కింగ్ ప్రెసిడెంట్ కేటీఆర్, కేసీఆర్, మాజీ మంత్రి హరీష్ రావు తదితరులు రాష్ట్రవ్యాప్తంగా పర్యటనలు చేస్తూ పార్టీ క్యాడర్ లో ఉత్సాహం నింపుతూ ప్రజలకు దగ్గరయ్యే విధంగా ప్రయత్నాలు చేస్తున్నారు.

అధికార పార్టీ కాంగ్రెస్, బిజెపిలపై తీవ్ర స్థాయిలో విరుచుకుపడుతూ, బీఆర్ఎస్ పై ప్రజలలో సానుకూలత పెంచే విధంగా బీఆర్ఎస్ అగ్ర నేతలు అంతా.ఎన్నికల ప్రచారంలో నిమగ్నం అయ్యారు.

ఎంపీ అభ్యర్థుల తరఫున ఎన్నికల ప్రచారం నిర్వహిస్తూ బిజీగా గడుపుతున్నారు.