జలియన్ వాలాబాగ్ మారణహోమం: భారత్‌కు క్షమాపణ చెప్పాల్సిందే ... యూకే ఎంపీ డిమాండ్

ఈ ఘటనలో 379 మంది మరణించారని బ్రిటీష్ ప్రభుత్వం చెప్పినప్పటికీ.1000కి పైగా మరణించగా, 2000 మందికి పైగా గాయపడ్డారని అనధికారిక అంచనా.చిన్నారులు, మహిళలు, వృద్ధులను కూడా డయ్యర్ సేన వదిలిపెట్టలేదు.

ఇంతటి మారణహోమానికి కారణమైన జనరల్ డయ్యర్‌పై పగబట్టిన సర్దార్ ఉదమ్ సింగ్.కొన్నేళ్లపాటు వెంటాడి లండన్‌లో కాల్చిచంపారు.

ఈ నేరానికి గాను ఉదమ్ సింగ్‌ను బ్రిటీష్ ప్రభుత్వం ఉరి తీసింది.ఈ దారుణ ఘటనకు గాను భారత ప్రభుత్వానికి క్షమాపణలు చెప్పాలని విపక్ష కన్జర్వేటివ్ పార్టీ ఎంపీ బాబ్ బ్లాక్‌మన్( MP Bob Blackman ) యూకే పార్లమెంట్‌లో( UK Parliament ) ప్రస్తావించారు.

ఇక మూడేళ్ల క్రితం కామన్‌వెల్త్ డే సందర్భంగా హౌస్ ఆఫ్ కామన్స్‌లో జరిగిన చర్చలో స్కాటిష్ నేషనల్ పార్టీకి (ఎస్ఎన్‌పీ) చెందిన ఎంపీ స్టీవెన్ బోనార్ కూడా ఇదే రకమైన డిమాండ్ చేశారు.జలియన్ వాలాబాగ్ మారణహోమం జరిగి వందేళ్లు గడిచిన సందర్భంగా హౌస్ ఆఫ్ కామన్స్‌లో అప్పటి యూకే ప్రధాని థెరిసా మే తీవ్ర విచారం వ్యక్తం చేశారు.

ఇది బ్రిటీష్ ఇండియన్ చరిత్రపై మాయని మచ్చగా ఆమె అభివర్ణించారు .కానీ గత ప్రధానుల మాదిరిగానే థెరిస్సా మే కూడా ఈ ఘటనకు క్షమాపణలు చెప్పలేదు.