ఫోన్‌లో ఎక్కువగా చదివే అలవాటుందా.. ఈ యాప్స్‌పై ఓ లుక్కేయండి!

ఇంటర్నెట్‌లో ఆర్టికల్స్‌, బుక్స్, కథలు చదివేవారు చాలామంది ఉంటారు.వాటిలో బాగా నచ్చినవి అప్పటికప్పుడే చదువుతారు.

ఒకవేళ అప్పటికప్పుడు చదివే సమయం లేకపోతే తర్వాత చదవాలని అనుకుంటారు.ఇక ట్వీట్ల థ్రెడ్ కూడా బాగా ఉపయోగకరంగా అనిపించొచ్చు.

కానీ దాన్ని సేవ్ చేసుకోవడానికి వెసులు బాటు దొరకకపోవచ్చు.ఈ కారణాల వల్ల వాటిని కాలక్రమేణా మర్చిపోవడం చాలామందికి అలవాటే.

అయితే వీటన్నిటికి చెక్ పెట్టేందుకు బుక్‌మార్కింగ్‌ యాప్‌లు అందుబాటులోకి వచ్చాయి.ఆర్టికల్స్, ట్విటర్‌ థ్రెడ్స్‌, వెబ్‌సైట్లను సేవ్‌ చేసుకుని.కావలసినప్పుడు చదువుకోవడానికి ఇవి ఉపయోగపడతాయి.

1.మ్యాటర్‌

మ్యాటర్‌ యాప్‌ సేవ్‌ చేసిన ఆర్టికల్స్‌ డేట్స్‌ ప్రకారం ఒక చక్కటి లిస్టులో చూపిస్తుంది.

ఆ లిస్టును యాక్సెస్ చేయడం ద్వారా సేవ్ చేసిన అన్ని డిజిటల్ కంటెంట్ చదువుకోవచ్చు.ఈ యాప్ ఉపయోగించి ముందుగా చదవాలని అనుకున్నవి పైన వరుసలో కనిపించేలా సెట్ చేసుకోవచ్చు.

ఈ యాప్ ఐఓఎస్‌ డివైజ్‌లు, వెబ్‌లో అందుబాటులో ఉంటుంది.