మోడీజీ.. ఇవన్నీ కనిపించవా ?

ఇటీవల కర్నాటకలో బీజేపీ ఎమ్మెల్యే కుమారుడు 40 లక్షలు లంచం తీసుకుంటే.అతనిపై ఎలాంటి చర్యలు ఉండవా ? అధానికి చెందిన ముద్రా పోర్టులో రూ 21 వేల కోట్ల విలువగల హెరాయిన్ దొరికితే.దానిపై ఎలాంటి చర్యలు తీసుకోరా ? ఇటీవల అధానిపై వస్తున్న ఆరోపణల నేపథ్యంలో అధానిని విచారణకు పిలవగలరా ?, ఈ తోమిదేళ్ళలో 9 ప్రభుత్వాలను కూల్చిన మాట నిజం కదా ? అంటూ ఇలా ఘాటైన ప్రశ్నలు మోడీ సర్కార్ కు సంధించారు మంత్రి కే‌టి‌ఆర్.అయితే కే‌టి‌ఆర్ సంధించిన ప్రశ్నలలో నిజం లేకపోలేదు.

అధాని కంపెనీలపై ఎన్నో ఆరోపణలు ఈ మద్యకాలంలో వచ్చినప్పటికి ఎలాంటి చర్యలు చేపట్టలేదు మోడీ సర్కార్, ఎందుకంటే మోడీ సర్కార్ కు మరియు గౌతమ్ ఆధానికి మద్య మంచి సన్నిహిత్యం ఉందనే సంగతి జగమెరిగిన సత్యం.ఇక ఇటీవల కర్నాటకలో బీజేపీ ఎమ్మెల్యే విరూపాక్ష కొడుకు బహిరంగంగానే 40 లక్షల రూపాయలు లంచం అడిగిన సంగతి దేశ వ్యాప్తంగా సంచలనం సృష్టిస్తోంది.