కాంతార మూవీకి ఉత్తమ నటుడిగా రిషబ్ శెట్టికి అవార్డ్ .. ఈ నటుడికి ఎన్ని అవార్డ్స్ ఇచ్చినా తక్కువే!

2022 సంవత్సరం సెప్టెంబర్ 30వ తేదీన కర్ణాటక రాష్ట్రంలో( Karnataka ) 250 థియేటర్లలో విడుదలై కాంతార మూవీ( Kantara movie ) సృష్టించిన సంచలనాలు అన్నీఇన్నీ కావు.

ఆ తర్వాత ఇతర భాషల్లో కాంతార మూవీ డబ్ అయ్యి ఇతర భాషల్లో సైతం హిట్ గా నిలిచింది.

కేవలం 16 కోట్ల రూపాయల బడ్జెట్ తో తెరకెక్కిన ఈ సినిమా 300 కోట్ల రూపాయలకు పైగా గ్రాస్ కలెక్షన్లను సొంతం చేసుకుంది అంటే ఈ సినిమా ప్రేక్షకులకు ఏ స్థాయిలో నచ్చిందో సులువుగా అర్థమవుతుంది.రిషబ్ శెట్టి స్వీయ దర్శకత్వంలో తెరకెక్కిన ఈ సినిమా అభిమానులకు ఎంతగానో నచ్చింది.

కేంద్రం 70వ జాతీయ చలనచిత్ర పురస్కారాలను ప్రకటించగా ఉత్తమ నటుడి పురస్కారం కాంతార సినిమాకు గాను రిషబ్ శెట్టికి దక్కింది.రిషబ్ శెట్టికి ఈ పురస్కారం దక్కడం సినీ అభిమానులను ఎంతో సంతోషానికి గురిచేసింది.

అయితే రిషబ్ శెట్టికు( Rishabh Shetty ) ఈ సక్సెస్ సులువుగా దక్కలేదు.జాతీయ ఉత్తమ నటుడి అవార్డు అందుకున్న ఈ నటుడు ఒకప్పుడు మినరల్ వాటర్ అమ్మారు.