దేవతలకు ఇష్టమైన కదంబ మొక్క విశిష్టత ఏమిటో తెలుసా?

మన సంస్కృతి సంప్రదాయాలలో ఎన్నో మొక్కలకు ఎంతో ప్రత్యేకత ఉంది.అలాంటి ప్రత్యేకత కలిగిన మొక్కలలో కదంబ ఒకటి.

ఈ కదంబ మొక్కనే రుద్రాక్షాంబ అని కూడా పిలుస్తారు.భారతదేశంలోని దక్షిణాదిలో జగజ్జనని అమ్మవారిని కదంబవాసి అని అంటూ పూజలు చేస్తారు.

అదేవిధంగా హనుమంతుడు పుట్టుకకు కారణం కూడా ఈ మొక్క అని పురాణాలు చెబుతున్నాయి.అదేవిధంగా శ్రీకృష్ణ పరమాత్ముడు గోపికల చీరలను దొంగలించి దాచింది కూడా ఈ వృక్షం లోనే ఈ చెట్టు నుంచి వెలువడే పరిమళాలను ఆస్వాదిస్తూ చెట్టు నీడలోనే రాధాకృష్ణల ప్రేమాయణం కూడా జరిగింది.

అందుకే ఈ మొక్కకు ఎంతో విశిష్టత కల్పించారు.ఎంతో పవిత్రమైన ఈ కదంబ వృక్షం గురించి భగవద్గీత, మహాభారతంలో కూడా ప్రస్తావించారు.

కదంబ వృక్షం చూడటానికి ఎంతో పెద్దగా ఉండి ఈ పూలు గుండ్రని ఆకారంలో కలిగి ఉంటాయి.ఈ పుష్పాలను ఎక్కువగా లలితాదేవి పూజలో ఉపయోగిస్తారు.

అదేవిధంగా ఈ వృక్షాన్ని ఉపయోగించి వివిధ రకాల బొమ్మలను తయారు చేస్తారు.అన్ని రకాల వృక్షాలు మాదిరిగా ఈ చెట్టు ఆకులు రాలవు ఎల్లప్పుడూ పచ్చగానే కనిపిస్తుంది.