Chandrababu Naidu : కుప్పం లో బాబు పర్యటన .. రెండు రోజుల షెడ్యూల్ ఇదే

టీడీపీ అధినేత చంద్రబాబు( Chandrababu Naidu ) రెండు రోజుల పాటు కుప్పం నియోజకవర్గంలో పర్యటించేందుకు సిద్ధమవుతున్నారు.తనను ఓడించడమే లక్ష్యంగా కుప్పం నియోజకవర్గంపై వైసిపి ప్రత్యేకంగా దృష్టి సారించిన నేపథ్యంలో, కుప్పం నియోజకవర్గ నుంచి ఎన్నికల ప్రచారం మొదలుపెట్టి, రాష్ట్రవ్యాప్తంగా పర్యటించాలని బాబు డిసైడ్ అయ్యారు.

2019 ఎన్నికల్లో మెజారిటీ కాస్త తగ్గడం, ఈసారి ఎన్నికల్లో గట్టి పోటీ నెలకొనబోతుండడంతో కుప్పం పైన బాబు దృష్టి పెట్టి, ఇక్కడ తనకు తిరుగులేకుండా చేసుకునే ప్రయత్నాలు మొదలుపెట్టారు.ఈ మేరకు ఈ రోజు , రేపు రెండు రోజుల పాటు కుప్పం నియోజకవర్గంలో ఆయన  పర్యటించబోతున్నారు.ఈ మేరకు ఈరోజు 11.15 నిమిషాలకు బెంగళూరు హెచ్ ఏ ఎల్ ఎయిర్ పోర్టుకు చేరుకొని అక్కడ నుంచి ఉదయం 11.25 నిమిషాలకు పీఈఎస్ వైద్య కళాశాల ఆసుపత్రి హెలి ప్యాడ్ ఆవరణలోకి చంద్రబాబు చేరుకుంటారు.11: 40 నిమిషాలకు కొత్తపేట శ్రీ వాసవి కన్యకా పరమేశ్వరి దేవస్థానం కు చంద్రబాబు చేరుకుంటారు.మధ్యాహ్నం 12 గంటలకు కుప్పంలోని ఎన్టీఆర్ భవనానికి చేరుకుంటారు.

మధ్యాహ్నం 12 నుంచి రెండు వరకు అక్కడే స్థానిక కుప్పం టిడిపి నాయకులతో సమావేశం అవుతారు.మధ్యాహ్నం ౦౨ నుంచి, 03 గంటల వరకు భోజనం విరామం తీసుకుని ,మధ్యాహ్నం 03 .20 నిమిషాల నుంచి కుప్పం ఆర్టీసీ బస్టాండ్ ఆవరణకు చేరుకుంటారు.మధ్యాహ్నం 3.20 నిమిషాలకు కుప్పం ఆర్టీసీ బస్టాండ్ ఆవరణకు చేరుకుంటారు.మధ్యాహ్నం 3.30 నిమిషాల నుంచి 5.30 నిమిషాల వరకు ఆర్టీసీ బస్టాండ్ లో బహిరంగ సభలో పాల్గొంటారు.సాయంత్రం 5.30 నిమిషాల నుంచి ఎన్టీఆర్ విగ్రహం, ఆర్టిసి బస్టాండ్ మీదుగా కె.వి.ఆర్ కళ్యాణ మండపం చేరుకుంటారు.సాయంత్రం 6 నుంచి 7:00 వరకు ఇఫ్తార్ విందుకు హాజరవుతారు.7.20 నిమిషాలకు కె.వి.ఆర్ కళ్యాణమండపం చేరుకుంటారు.